Smnewstl.com – Primeiru-Ministru Kay Rala Xanana Gusmão hala’o enkontru ho Embaixadora Asosiasaun Nasoens Sudeste Aziatiku (ASEAN), Natercia Cipriana Coelho da Silva hodi atualiza servisu ASEAN nian.
IX Governu Konstitusionál fó atensaun ne’ebé seriu ba denvolvimentu Timor-Leste iha ASEAN. Seriedade husi IX Governu ne’e hatudu liu husi estabelesimentu kargu Vise Ministru Negosiu Estranjeiru ba Asuntu ASEAN no nomeiasaun ba Embaixadora Timor-Leste nian ba ASEAN.
IX Governu Konstisionál define Timor-Leste nia polítika esterna ho prinsípiu ida- ne’ebé konsagra sentidu independénsia no soberania mak: “Ba Timor-Leste, Laiha Aliadu ka Inimigu, Hotu-Hotu sei Hamutuk no AMIGUS de’it!”. Ida ne’e sai hanesan (Timor) ita-nia Lema, ne’ebé sei orienta Timor-Leste Relasoens Esternas, iha Konjuntura Internasionál ida ne’ebé daudaun ne’e defisil tebes.
Timor-Leste sauda mós ba País Rejiaun hotu-hotu, ne’ebé fó ona apoiu internasionál iha aspetu oioin, hodi reforsa relasoens di’ak ho Austrália, Indonézia, Nova Zelándia, Xina, Japaun, Koreia Súl, no país membru ASEAN sira seluk.
Timor-Leste mós hakarak sauda ka simu ho di’ak relasaun amizade no solidariedade País sira hanesan Portugál, Brazíl, no komunidade pais PALOP, Kuba, Reinu Unidu, Irlanda, no Estadus Unidos Amerika, nune’e mós ba Organizasaun Internasionál sira, liu-liu ONU no ninia Ajénsia, Banku Mundiál, Fundu Monetáriu Internasionál no Banku Aziátiku Dezenvolvimentu, no Governu hakarak reforsa lasu asisténsia téknika no profisionál, ne’ebé Timor presiza hodi kumpre IX Governu nia misaun ba povu no nasaun. (Smnews)
Komentariu