Dom Basílio ‘Ezonera’ Ona Padre Martinho Gusmão Husi Amu Lulik

Smnewstl.com 31-08-2021 (Dili) — Iha loron 30 fulan Agostu tinan 2021, Bispu Dioseze Baucau, Dom Basílio do Nascimento, deside ‘ezonera’ ona Padre Martinho Gusmão da Silva hanesan amu lulik.

Tuir informasaun ne’ebe SMNews asesu husi karta Diocese Baucau konfrima, desizaun ne’e Dom Basílio do Nascimento da Silva foti hafoin simu pedidu renúnsia husi Padre Martinho Gusmão rasik ne’ebé hato’o bá Dom Basílio do Nascimento iha loron 25 fulan Janeiru tinan 2020.

“Suspensaun ministériu saserdotál bá Reverendísimu Padre Martinho Germano da Silva Gusmão Informação Ho biban ida ne’e, Bispo Diocese Baucau nian hakarak mai fo hatene ba membru hotu-hotu Kreda Católica nian iha Timor-Leste katak, durante tempu naruk ida ne’ebé P. Martinho Germano da Silva Gusmão questiona, reflecte, rona, reza no decide kona ba nia vida no nia knaar nuudár Nai Lulik Kreda Católica nian, ho “consciência limpa no serena”, haktuir iha komunikadu imprensa ne’ebé Smnewstl asesu, Tersa ohin.

“Iha dia 25 de janeiro de 2020 P. Martinho Germano da Silva Gusmão haruka surat ida ba nia Bispo Diocesano hodi husu renúnsia bá nia ministériu saserdotál katak, hapara nia knaar nuudár Nai Lulik,” dehan tan.

Nune’e mós iha loron 4 de fevereiro de 2021, P. Martinho Germano da Silva Gusmão haruka Surat ida ba Santo Padre hodi husu nia demisaun husi estadu klerikal katak, husu atu la moris ona tuir estatuto Nai lulik nian.

“Nune’e, hatán ba Rev. P. Martinho Germano da Silva Gusmão nia vontade no desizaun, wainhira processo canónico sei lao hela, hau nuudár Bispo Diocese Baucau nian dekretu suspensaun ministériu saserdotál katak, hahú dia 20 Agostu tinan 2021 bá oin. Reverendísimu Padre Martinho Gusmão da Silva hapara nia atividade sira hotu ne’ebé sakramentu ordem haraik bá nia atu hala’o iha uma kreda,” mensiona iha karta refere.

Karta ne’e mensiona tan katak, kona-ba demisaun bá estadu klerikal katak, Reverendísimu Padre Martinho Germano da Silva Gusmão la moris ona nuudár Nai Lulik nebe simu Sacramento Ordem, Sé Apostólica, Amo Papa deit maka sei demite P. Martinho Germano da Silva Gusmão husi nia estadu klerikal.

Obrigado wain ba atenção membro sira Hotu Kreda Católica nian iha Timor-Leste.

Baucau, 30 de agosto de paciente bio D. Basilio do Nascimento Bispo de PacquORIEN.(ant)