Diskumfia Halao Atividade Prostituisaun, PNTL Ho Ekipa Konjunta Asegura Ema Nain 10 Iha Hotel

Smnewstl.com 31-08-2021 (Dili) — Polísia Nasionál Timor-Leste (PNTL) liu husi Servisu Investigasaun Kriminál Nasionál (SINK) asegura ona sidadaun na’in 10 ne’ebé diskonfia prátika atividade prostituisaun iha otel Guan Hui Poeny iha Hudi Laran.

Sidadaun na’in 10 ne’e, kompostu feto 6 mane 4, entre sira-ne’e, na’in 7 ne’ebé diskonfia prátika relasaun, no mós sidadaun, no na’in-rua hanesan traballadór iha otel Guan Hui Poeny, inklui otel na’in.

SINK halo kapturasaun bá sidadaun na’in 10 ne’e, iha tuku 3 ho balun lokraik iha otel Guan Hui Poeny iha Hudi Laran, hafoin simu informasaun husi informasaun sekreta.

Nune’e, transporta kedas bá iha edifísiu SINK iha Komandu Jerál hodi submete bá iha prosesu investigasaun no identifikasaun.

To’o informasaun ne’e fo sai parte PNTL inklui parte relevante ne’ebe asegurado seidauk aprezenta pozisaun.(ant)