Delegasaun Setór Privadu Filipina Hasoru PM Xanana Deskute Asuntu Investimentu

Smnewstl.com – Primeiru-Ministru, Kay Rala Xanana Gusmão hala’o enkontru ho Delegasaun Investidor Makiti City Firim hosi Filipina ne’ebé hala’o vizita mai Timor-Leste ho objetivu atu esplora oportunidade loke investimentu iha Timor-Leste.

Iha enkontru Xefe Governu introdus kona-ba programa IX Governu nian no oportunidade ne’ebé governu fasilita lei investimentu hodi fó garansia ba empreza internasionál atu loke investimentu kontribui ba ekonómia Timor-Leste.

Xefe Delegasaun Investidor Makiti City hosi Filipina, Martin Subido agradese hodi introdus sira nia objetivu vizita ba Xefe Governu Xanana kona-ba sira nia profile kompaña ne’ebè iha ona esprensia tinan iha Filipina hatudu interese atu buka-hatene kona-ba diresaun sira ne’ebé bele halo ligasaun kooperasaun iha área sira, produsaun enerjia renovavel. Dezenvolvimentu jestaun enerjia solar renovavel 10 to’o 20 MW tuir kontratu supply ho timór no halo jestaun dezastre no fornesimentu ekipamentu ekipamentu teknologia no seluk tan.

“Prevelejiu tebes mai ami, bele hasoru malu ho Primeiru-Ministru Xanana Gusmão ami hala’o surumutu atu ami bele hetan orientasaun no inspirasaun husi nia, no atu buka hatene kona-ba oportunidade sira ne’ebé bele mosu kona-ba dezenvolvimentu no progresu ekonómiku iha Timor-Leste no ami mai husi Filipina no ami ema emprezáriu no investidór sira bele sai parseiru di’ak ho Govenu Timor-Leste no ami agradese ba governu ida ne’e, no ami fiar duni katak ho kooperasaun ida-ne’e, ita bele harii nasaun ida-ne’ebé di’ak liu hodi la’o ba oin,” informa Xefe Delegasaun Investidor Makiti City, Martin Subido ba jornalista iha Palasiu Governu, Dili.

Delegasaun ne’e iha ona esprensia servisu harii infraestrutura baziku no turizmu nian Labuan Bajo-Indonézia no nasaun seluk tan.

Delegasaun Investidor Makiti City sei hasoru malu mós ho Prezidente Repúblika, José Ramos-Horta, Ministru Estadu Prezidensia Konsellu-Ministru, Agio Pereira, Ministru Petroliu no Rekursu Minarais (MPRN), Fransisco Monteiro,Ministru Planu Investimentu Estrateziku (MPIE), Gastão de Sousa, Ministru Obras Públika, Samuel Marçal no sei hasoru malu mós ho Ministra Finansas, Santina Cardoso, Governadór Banku Central, Helder Lopes no Xefe BNCTL hodi esplika sira sira nia garasia finaneiru atu loke investimentu iha Timor-Leste. (SMnews)