Delegasaun Me Partisipa Diskusaun Kona-Ba Alterasaun Klimatika No E-Learning Iha Manila

Smnewstl. Com – Delegasaun husi Ministériu Edukasaun, Xefia husi Diretór Jerál Edukasaun no Ensinu, Deolindo da Cruz no Banku Dezenvolvimentu Aziátika – BDA partisipa iha forum da sanulu, ADB International Skills Forum iha Kuartél Jerál institute bankáriu ne’e iha Manila, Filipinas.

Eventu rejionál ne’e deskuti kona-ba alterasaun klimátika no e-learning, ho objektivu enkuadra iha kurríkulu escolar no prátika pedagojíka.

“Nasaun barak mak konsidera dezenvolvimentu abilidade esensiál tebes hodi sai sentru ba asaun hotu, atu determina ita-nia futuru, liu-liu bainhira hasoru revolusaun industrial, ne’ebé eziji ita tenke uza teknolojia oi-oin. Revolusaun iha influénsia maka’as ba setór edukasaun atu bele halo aprendizajen kriativu no inovativu liu”, dehan Diretór Deolindo da Cruz.

Ba professor sira, Diretór Jeral ne’e dafazia atu akompaña evolusaun munidal, hodi familiariza ho teknolojia, nune’e bele aplika iha prosesu aprendisajen liu hosi e-learning.

Forúm ne’e ho tema “a new era of digitalized and climate-resilient human and social development” ho objetivu atu trasa diresaun foun ruma no mellora kualidade edukasaun liuhosi aproveita poténsia transformasaun dijitál iha edukasaun, partikularmente iha plataforma dijitál ba edukasaun, mikro kredensiál no blockchain, jenerativu AI no big data.

Alem ne’e, atu haforsa papél edukasaun nian liuhosi inkorporasaun kuríkulu kona-ba alterasaun klimátika, dezenvolvimentu kompeténsia ba tranzisaun ne’ebé justa no serbisu reziliente kona-ba alterasaun klimátika nomós investimentu iha investigasaun no inovasaun hodi promove teknolojia no koñesimentu klimátika.

Metas husi inisiativa ne’e mak atu hadi’a impaktu hosi investimentu iha edukasaun liuhosi abordajen multidisilpinár no konektadu ho setór oi-oin, hanesan saúde, ekonómia médika, indústria kriativa, setór feroviáriu, mobilidade elétrika (e-mobility) no sidade intelijente.(smnews)