Smnewstl.com — Ba tinan ida ne’e, atu komemora loron Proklamasaun Indepedénsia ba dala-50 nian, Prezidente Ramos-Horta, inisia sei halo vizita ofisiál ida ba Binani, Turiscai.
Binani, Turiscai, mak hanesan fatin histórriku ida ne’ebé importante tebes ba istória Timor-Leste.
Fatin ne’e mak recorda heroi bo’ot hanesan saudozu Nicolau Lobato nu’udar mos Primeiru Ministru dahuluk no Segundu Prezidente RDTL, hamutuk ho luta na’in no patriota sira seluk, termina sira nia sakrifísiu no destiñu ba independénsia Timor-Leste nian, durante iha tempu invazaun Indonézia.
BINANI la’ós deit fatin ida haleu ho foho ne’ebé a’as no iha ai-laran tuan, kmo’ok husi barullu sidade nian ho nia dalan ain fatin ne’ebé perigu, seidauk asesu ba estrada nasionál, maibé nia sai hanesan patrimóniu memória nasional ne’ebé simboliza sakrifísiu no lideransa iha tempu resisténsia.
Eventu Komemorasaun iha Binani ne’e, hadi fó oportunidade ba jerasaun foun atu aprende husi valór sagradu luta nain sira nian no fó respeitu ba líder sira ne’ebé fó-an ba libertasaun Nasionál. (*/Smnews)
Komentariu