Antigu Prezidente Camara Torres Novas Portugál Hasoru PM Xanana

Smnewstl.com Primeiru-Ministru, Kay Rala Xanana Gusmão hala’o enkontru ho Antigu Prezidente Câmara de Torres Novas Portugál, António Roriques, iha Palasiu Governu, Dili

António Rodrigues nu’udar fundador no asume kargu prezidente Câmara de Torres Novas hosi 1994 termina iha 2013. Nia mós hala’o knaar nu’udar emprezariu ida susesu.
Durante iha Timor-Leste, nia remata tese dotoramentu hakerek kona-ba modelu munisipiu sira bazeia ba istória kriasaun munisipiu sira iha Timor-Leste.

Atuál Fundador Câmara de Torres Novas Portugál hakerek nia livru kona-ba oinsá dezenvolve programa no preparasaun rekursu umanu ne’ebé di’ak iha munisipiu hotu iha Timor-Leste no entrega mós livru importante ida ba xefe governu.

Xefe Governu Xanana hato’o agradese ba peskiza ne’ebé halo atu ajuda governu Timor-Leste nia preparasaun atu implementa programa desentralizasaun poder lokál hahú hosi preparasaun rekursu umanu.
(Smnews)