Aniceto Husu Rai Iha Edifisio MJ Oin ba Futuru Instalasaun PN

Smnewstl.com 08-11-2021 (Dili) – Primeiru-Ministru (PM), Taur Matan Ruak simu ona pedidu husi Prezidente Parlamentu Nasionál (PN), hodi husu rai ne’ebé lokaliza iha Ministériu Justisa (MJ) nia oin atu harii futuru instalasaun Edifísiu PN nian.

“Señór Primeiru-Ministru informa mai ha’u katak, surat ofisiál to’o ona ohin iha nia no sei halo despaixu atu fó bá Ministru Justisa hodi haree,” dehan Ministru Assuntu Parlamentar no Komunikasaun Sosiál (MAPKOMS), Francisco Jerónimo, Segunda ne’e iha rezidénsia PM Farol, Dili.

Executivo ne’e komfirma, rai ne’ebé atu harii futuru instalasaun PN ho hektare 9.

“Medidas rai purvolta de 8 ou 9 hektare, maibé depende bá hira mak atu atribui, ida-ne’e kompeténsia Ministru Justisa nian,” tenik MAPKOMS.

Jeronimo sublinha, fofoun governu indika rai iha parte Hera nian, maibé pedidu ikus husu fali rai iha Kaikoli, tan ne’e sei haruka bá Ministériu Justisa atu haree.(ant)