ANC Ofisialmente Atribui Sertifikadu ba CESLINK, Deseza Fasilita Servisu Internet Lais no Baratu

Smnewstl.com 16-11-21(Dili)– Ministerio Transporte Komunikasaun liu husi Autoridade Nacional Komunikasaun (ANC) ofisialmente atribui sertifikadu registrasaun ba CESLINK, S.A hodi sai hanesan operador ba iha area Telekomunikasaun ba dahat iha Timor Leste hafoin Timor Telecom, Telkomcel no Telemor.

Iha serimonia atribuisaun serifikado ne’ebe halao Tersa-feira ne’e iha Salao MTK Mercado Lama Dili, Presidente ANC, Joao Olivio Freitas konsidera hanesan faze dahuluk ne’ebe CESLINK prinese ona no tuir fali maka frekuensia hanesan 2G ho 4G.

“Iha prosesu rejistrasaun tomak, ANC implementa artigu 30 ho anexu 1 rekizitus sira hakerek iha dekretu-lei n°.15/2012, tratamentu iha prosesu rejistrasaun bá empreza hotu hanesan,”tenik Executivo nee

CESLINK S.A tuir Olivio, hafoin prosesu naruk ida konsege kompleta rekizitus hotu hanesan haktuir iha artigu 30 no anexu 1 dekretu-lei n°.15/2012, no regulamentu ANC nian hodi fó dalan bá konsellu administrasaun no halo deliberasaun ida hodi aprova rejistrasaun CESLINK S.A nu’udar operadór servisu telekomunikasaun móveis iha Timor-Leste.

Nia hatutan, lori naran ANC nia naran agradese bá kolaborasaun di’ak husi CESLINK S.A durante prosesu tomak rejistrasaun nian hodi kumpre rekizitus tuir lei no regulamentu haruka.

“Maibé atu bolu mós atensaun katak, atribuisaun sertifikasu rejistrasaun ida-ne’e, hanesan faze dahuluk, hanesan operadór servisu telekomunikasaun móveis, faze sira tuir mai, CESLINK S.A tenki, primeiru kumpre ninia deveres hotu ne’ebé mak hakerek iha dekretu-lei n°.15/2012 no regulamentu relevante sira ANC nian,”

“Investe iha infrastrutura telekomunikasaun nesessária, esforsu atu hetan lisensa bá utilizasaun rekursu telekomunikasaun sira mak hanesan, númeru telemóvel no espektur rádiu telemóvel no seluk tan hodi bele hahú fasilita CESLINK S.A nia operasaun hanesan operadór própriu ida,”

Diretór Ezekutivu CESLINK S.A, Sérgio Campos dos Santos agradese ba ANC ne’ebe liu husi prosesu naruk bele atribui sertifkadu ba CESLINK hodi kompete iha mundo telekomunikasaun.

“Prosesu lubuk sei mai tan, agora dadauk ami sei iha faze preparasaun liu-liu ami-nia lansamentu sei hahú iha 2022,”tenik Sergio Campos.

“Ita rona husi Ministru rasik esplika depois ho ANC rasik, prosesu lubuk ida ké ami prosesa ona, ne’ebé buat iha parte la’ós ami-nia problema, prosesu ne’e buat ketak ida, prosesu rejistrasaun nian ami kompleta ona ohin bele hetan seritifikadu,”

“Nia prosesu ne’e iha tribunál, ne’e orsida ha’u-nia legál sira mak bele esplika,”

“Rekursu ita sei prepara para halo rekrutamentu bá rekursu sira, ita-nia tékniku sira-ne’e maioria Timoroan,”nia haktuir

Ministru MTK, José Agostinho da Silva hato’o parabens e Bemvindo ba Operador CESLINK.

Agustino afirma, hanesan governante tutela deseza susesu ba operador CESLINK no espera sei fasilita servisu digital ba povu Timor Leste.ho diak liu tan.

“ANC iha autoridade finanseiru sira iha rasik enkuadramentu jurídiku husi ANC rasik katak, sira prienxe rekizitus sira-ne’ebé lei hatur, lei n°.15/2012, entaun bainhira prienxe mak sira deside, tanba ne’e deside liu husi reuniaun konsellu administrasaun ANC rasik,”tenik Agustinho. (Ant