Smnewstl.com | Dili, 04 Novembru 2026 — Ministru Administrasaun Estatál (MAE), Tomás do Rosário Cabral, hamutuk ho Ministru Planeamentu no Investimentu Estratéjiku (MPIE), Gastão de Sousa, hala’o reuniaun téknika atu analiza no avalia progresu implementasaun grande projetu sira iha munisípiu sira.

Reuniaun ne’e iha objetivu atu hametin koordenasaun entre ministériu rua, hodi aselera implementasaun projetu sira no asegura katak obra konstrusaun sira bele remata tuir planu no prazu ne’ebé determina, liuliu durante tinan 2026.

Lee Mós:
Prezidente India Hasoru PM Xanana, Asina Akordo Tolu
ADVERTISEMENT
SCROLL FILA BA NOTISIA


Iha enkontru ne’e, ministru rua diskute kona-ba progresu projetu sira, mekanizmu monitorizasaun no dezafiu sira ne’ebé hasoru iha prosesu implementasaun iha terrenu. Sira mós buka solusaun atu ultrapasa obstákulu ne’ebé bele atraza ezekusaun projetu sira.

Lee Mós:
PM Xanana vizita sítio fóssil Ichthyosaurus iha Foho Lesululi

Projetu sira ne’ebé sai nu’udar matéria diskusaun inklui konstrusaun edifísiu Administrasaun Munisipál, estrada munisipál, merkadu, Uma Kbiit Laek no infraestrutura seluk ne’ebé importante ba dezenvolvimentu munisipál.

Ministru MAE no MPIE reafirma kompromisu Governu nian atu kontinua hametin kolaborasaun entre instituisaun sira, hodi asegura katak projetu públiku sira implementa ho efisiénsia, transparénsia no responsabilidade.

Liuhusi koordenasaun ne’e, Governu espera katak implementasaun grande projetu sira bele lao di’ak, tuir planu no prazu, no lori benefísiu direta ba komunidade sira iha munisípiu hotu.

Lee Mós:
Iha Kribas Manatuto, Rai Nakdoko Hodi Kalan Rezulta Silvano da Costa Lakon Vida

Reuniaun téknika ne’e hala’o iha Salaun Reuniaun Gabinete Ministru Administrasaun Estatál (MAE), iha Dili, ho partisipasaun hosi reprezentante instituisaun relevante sira, inklui ADN, CNA, SGP, PMC, DGDGL no DNAIPIDI.

Lee nain: 3