Smnewstl.com | Dili, 6 Juñu 2026 Akontesimentu ida ne’ebé halo hakfodak komunidade mosu iha Aldeia 05, Suku Fatuhada, Munisípiu Dili, bainhira feto ida suspeita partus mesak iha haris fatin laran, tuku 11:30 meudia ne’e.
Tuir informasaun preliminár, família sira la hatene katak suspeita ne’e iha kondisaun isin-rua. Momentu akontese, suspeitu hakilar iha haris fatin laran, nune’e nia prima halai tama atu haree situasaun.
Iha ne’ebá, nia haree ran fakar barak iha haris fatin no deskobre katak bebé ida moris ona, maibé iha momentu ne’ebá bebé la hatudu ona sinal moris.
Família kontinua halo evakuasaun ba suspeitu hodi hetan tratamentu médiku iha ospitál.
Paralelamente, sira mos hato’o kedas informasaun ba ekipa PNTL Forénsik, ne’ebé to’o iha fatin atu halo inspeksaun no hahú prosesu investigasaun hodi klarifika sirkunstánsia loloos hosi kazu ne’e.
Depois de remata inspeksaun iha fatin akontesimentu, ekipa forénsik mos evakua korpu bebé ne’e ba Ospitál Nasionál Guido Valadares (HNGV) atu halo autópsia, hodi ajuda determina kauza lolos hosi mate no suporta investigasaun ne’ebé sei kontinua.
Autoridade sira hateten katak rezultadu final sei depende ba prosesu investigasaun no relatóriu médiku-forénsik oficial.
SMNEWS TIMOR sei kontinua akompaña dezenvolvimentu kazu ida ne’e no fo informasaun foun ba públiku bainhira autoridade sira fó sai rezultadu oficial.

Lee nain: 17
Lee Mós:
Ministro  Administrasaun Estatal Tomás do Rosário Cabral,representa Ministru Negósiu Estranjeiru no Kooperasaun liu husi nota delegasaun reprezentasaun MNEC iha ámbitu Simeira Komunidade País Lian Portugues nian (CPLP)