Xanana Gusmao Marka Prezensa Iha Tribunal Distrital Dili, Asiste Julgamentu Amo Herminio

Smnewstl.com Media online-Eis Presidente Republika nomos eis Xefe Executivo, Xanana Gusmao Segunda-feira ne’e marka hikas prezensa iha Tribunal Distrital Dili ligado ho kazu, ne’ebe involve eis Padre Rchard Dasbach.

Eis Lider Rezistensia to’o Tribunal iha oras tuku walu liu minutu sanulu resin lima dadersan akompanha husi ninia seguransa pesoal, hafoin kontinua kedas hakat tama ba Esqritorio Tribunal laran.

Prezensa Kay Rala Xanana Gusmao rasik tuir informasaun ne’ebe SMNews asesu komfirma katak, ligado ho relatorio husi rezultado investigasaun Komisaun Justisa e Paz liderado Padre Hermino da Silva Goncalves ba kazu Topu Honis ne’ebe diskumfia involve eis Padre Richard Dasbach no relatorio refere sai ba publiku.

Maske prezensa Kay Rala Xanana Gusmao nian iha Tribunal tuku walu ho balun, maibe prosesu julgamentu adia hikas fali ba loron 24 fulan Julho 2020, tamba Juiz ne’ebe prezide kazu iha hela Oecusse hodi halao hela julgamentu hanesan ba Eis Padre Richard Dasbach nomos rona testamunha sira.

Hafoin simu informasaun kona ba julgamentu ne’ebe adia, Xanana Gusmao mos fila hikas fali deit.

Enkuanto prosesu kazu ne’e prezide husi Juiz Titular Evangelino Belo, e Ministério Público reprezentanta Matias Soares. (Rio)