Xanana Gusmão Husu Omp Atu Prepara-An Ba Assembleia Munisipal

Smnewstl.com Dili, 11 Marsu 2023-Prezidente Partidu CNRT, Kay Rala Xanana Gusmão dezafia ba feto partidu CNRT, atu prepara ba Assembleia Munisipal ne’ebé sei estabelese liu-hosi eleisaun.

Dezafiu ne’e lansa sábadu fim de semana (11/03) iha enseramentu konsolidasaun nasionál partidu CNRT ne’ebé realiza iha salaun Katedral Dili no argumenta katak, desentralizasaun administrativa, hanesan prioridade ba partidu CNRT waihira mana’an iha eleisaun.

Tuir Xanana Gusmão, preparasaun rekursu humanu, sai hanesan rekézitu prinsipál atu konretiza programa ne’ebé sei implementa, bazeia ba polítika partidu CNRT, liu-liu iha implementasaun polítika desentralizasaun administrativa.

Ba Xanana, karik konsolida diák liu tan, mak akontese eleisaun iha nivel munisipal,mak OMP iha Munisipiu sei mana’an.

“Desentralizasaun buat ida ké tenke halaó duni, OMP tenke partisipa iha Assembleia Munisipal, tenke, dala ruma, ita hanoin katak, tenke ukun, sai autor,  ba dezenvolimentu,  mai tuur iha ministru,  iha munisipiu autór ne’e makas liu, tanba ba diretamente  ba problema sira neébe povu hetan, husi ne’ebá populasaun fiar teb-tebes mak ami bele ba tuir iha parlament,” Tenik Xanana.

Líder polítiku ne’e konsidera katak, konsolidasaun nasionál partidu OMP partidu CNRT, hanesan reflesaun ida, hodi avalia buat ne’ebé lalos no difini planu hodi halo dezenvolvimentu iha future.

“ida, neébe hatudu katak imi,  akompanha ho diá k, imi hare futuru Timor ne’e to’o iha ne’ebé, saida mak sala no saida mak dia’k, saida mak sala korriji tinan lima ne’e  saida mak falta, tau iha tinan lima ne’e., OMP haré iha kada munisipiu, ita preparadu iha rekursu humanu, iha jestaun, iha planu, administrasaun, liu-liu iha finansa.

Prosesu desentralizasaun ne’ebé defende husi partidu CNRT, loke oportunidade iha nível munisípiu, atu sidadaun sira fila ba ida-ida nia munisípiu, halo dezenvolvimentu, liu-hosi hadi’a seitór edukasaun, saúde, kria fasilidade sira iha baze.

“Down Top signifika, iha ne’ebá ita komesa dezenvolvimentu husi down ba top, hodi hadutu imi nia kbiit, feto Timor nia kbíit, OMP nia kbi’it hanoin, buat hotu, mosu husi hanoin, husi ideias,  mak ita bele iha fundamentu, razaun atu, liu fulan ida, ita dehan hanoin neé la dun los,  ita koriji hadia diá k liu tan.. Bahira partidu politiku ida, la iha ideia ida, hanoin ida, nia sa’e ba governu, hatama deít ema, hasai deit ema. Tinan 10 governu CNRT gasta 10 billoes, iha tinan 5 governu aitongka gasta 11 bilhoes, halo buat barak, cesta bazika, 200 ba familia, sabadu – sabadu iha bola guling, povu kontente tanba sabadu sabadu manaán hela osan ho bola guling, liberta povu ida ne’e,” Argumenta.

Atu konkretiza prosesu desentralizasaun administrative, Líder Nasionál, husu nafatin ba feto sira, atu dezenvolve-an iha domíniu planeamentu, administrasaun, finansa, jestaun hodi assegura polítika ne’ebé trasa ona, hodi atende lalais problema ida baze.

“Buka haré, iha kuartu ida-idak (munisipiu.), ita laos atu ba deít lae, ita ba atu servisu, ba ho kualidade, ba ho responsabildiade, toó iha neéba hatudu ba mane sira, baruk ten sira,  katak ami feto mos bele”Fundamenta Xanana.

FETO POTÉNSIÁL APREZENTA SIRA NIA AJENDA

Iha konsolidasaun ne’e líder OMP kada munisípiu aprezenta sira nia programa prioritáriu, hodi bele aposta wahiria tama iha prosesu desentralizasaun administrative.

“Viqueque, hadi’a jestaun servisu iha area edukasaun, tenke rezolve professores reklamantte nia problema ho lolos, presiza tau atensaun ba professores husi MEJD, hadi’a sistema rekrutamentu husi nasionál to’o munisipiu, iha balun servisu tinan sanulu ona, maibe estatutu lalos” Tenik Koordenadora OMP Viqueque.

Iha Aileu no Ermera, Oranização Mulher Partidu – OMP hakarak dezenvolve seitór edukasaun, turizmu, infraestruturas no seluk tan.

“Munisipiu Aileu aprezenta tematika rua mak hanesan edukasaun no turizmu, bazeia ba ekuadramentu legal ne ébé fó dalan, feto potensial identifika area potensial nu’udar estratéjiku ba dezenvolimentu hanesan,  falta rekursu professores espesialidade, atensaun ba difisiénsia fizika asesu ba edukasaun, kapasitasaun ba professore sira, seitor turizmu potensialidade iha lagoa Seloi, modo metan barak no bé manas Faturilau,”Aprezenta Koordenadora OMP Aileu.

“Karik CNRT manaán presiza hadi’a estrada sira iha Ermera, metade husi idade produtivu graduadu, la iha kampu traballu ba sira, Ermera iha numeru populasuan bo’ot maibé dezempregu barak tebes, iha balun kria rasik inisiativa hodi halo servisu hanesan juventude sira” Tenik Koordenadora OMP Ermera.

Líder Nasionál Kay Rala Xanana Gusmão defende katak, desentralizasaun administrative nuudar métodu governasaun diák hodi hakbesik ukun ba povu no hakbi’it governasaun lokál hodi rezolve problema sira iha baze, ho kriasaun Assembleia Munisipál.(smnews)