Xanana Desloka Ona ba Estrangeiro, Sei Simu Honorario Doctorate 2 Husi Universidade Japao

Smnewstl.com 18-11-2021 (Dili)- lider Nacional, Kay Rala Xanana Gusmao atual Pesoa Eminente g7+, Kinta-feira ne’e desloka ona ba Estrangeiro hodi atende enkontru balun hanesan iha Japao ho Portugal.

Eis lider rezistensia to’o Aeroporto Internacional, Nicolao Lobato Comoro Dili, tuku 8 ho balun dadersan hafoin sae Aviaun iha tuku 9 ho balun Oras Timor Leste.

Tuir informasaun ne’ebe SMNews asesu konfirma, Kay Rala Xanana Gusmao sei iha Japao durante semana hafoin kontinua hikas ba Lisboa-Portugal.

Enkuanto iha Japao tuir agenda, Xanana Gusmao sei simu Honorario Doctorate rua husi Universidade refere inklui sei lori mos palestra iha Universidade ida ho naran Waseda.

Agende seluk iha Portugal ne’ebe SMNews asesu komfirma, sei atende enkontru lubuk ida ho membro g7+, ne’ebe sei partisipa rasik husi Presidente ba organizasaun refere husi nasaun Sirileon ne’ebe hanaran (Senior Offisial Meeting).

Aliende ne’e, Xanana Gusmao mos sei hasoru malu ho delegasaun husi Cosovo hodi fahe esperensia kona ba prosesu rekonsiliasaun Timor Leste ho nasaun vizinho Indonesia. (Rio)

Lee nain: 9,939