Vasina COVID-19 Pfizer Doze 100,620 Husi EUA To’o Ona TL, Permiti ba Labarik ho Idade 12-17

Smnewstl.com 16-10-2021 (Dili)– Estadus Unidus orgullu anunsia xegada husi vasina Pfizer ne’ebé produz iha EUA hamutuk doze 100,620 mai iha Timor-Leste ne’ebé oferese liu husi COVAX no ho koordenasaun UNICEF.

Tuir komunikado imprensa ne’ebe SMNews asesu komfirma, Vasina Pfizer ne’e ba dahuluk uza iha Timor-Leste no hanesan oportunidade dahuluk mos ba labarik rihun resin ho tinan entre 12-17 hodi bele lalais no efetivamente vasinadu hasoru COVID-19.

Vasina COVID-19 ida ne’e, seguru no efetivu no oferese ba povu Timor-Leste ho gratuita no vasina ida ne’e mak uza mos iha Estadus Unidus.

“Estadus Unidus hamrik hamutuk ho Timor-Leste hanesan belun no parseiru rohan laek atu servisu hamutuk kombate COVID-19,” Enkaregadu Negósiu Embaixada EUA, Tom Daley hateten.

“Vasina ne’ebé ohin to’o mai ne’e demonstra ami nia apoiu ba esforsu governu nian atu salva vida Timoroan sira nian, partikularmente labarik ho tinan 12 ba leten. Ami orgullu oferese vasina sira ne’e tanba ida ne’e mak asaun los nian atu hakotu pandemia no atu bele hakat liu kedas ba rekuperasaun ekonomia.”

Dezde inísiu pandemia ne’e, Estadus Unidus servisu hamutuk kedas ho guvernu Timor-Leste hodi oferese millaun liu $5.9 hodi kombate COVID-19.

Estadus Unidus adota abordajen abrajente atu hakotu pandemia ne’e iha mundu tomak, mitiga impkatu negative ba ema no sosiedade no haforti rekuperasaun global.

Estadus Unidus firmi h onia promesa atu sai ‘armazem’ vasina ba mundu tomak. Ami orgullu mos sai hanesan doador bo’ot liu iha COVAX.

Kontribuisaun EUA nian Billaun $4 ho tan fundu seluk husi governu EUA nian utiliza ona hodi sosa Pfizer dose millaun 500 distribui liu husi COVAX ba nasaun sira ho rendementu ki’ik no médiu bazeia ba kritériu ne’ebé define husi Gavi’s Advance Market Commitment no Uniaun Afrika.

Iha loron 22 Setembru, Prezidente Biden kompromete atu oferese tan vasina Pfizer adisional hamutuk doze millaun 500 hodi disponibiliza doze liu 1.1 billaun ne’ebé inklui mos sira ne’ebé ohin to’o iha ne’e.

Estadu Unidus kontinua servisu hamtuk ho oCOVAX no ho parseiru sira seluk atu asegura vasina sira ne’e distrubui ho justu no haktuir dadus sientífiku no saude povu nian. (Ant/*)