Variante Delta Rezista A’as Iha Indonesia, Governo Deside Taka Fronteira Terestre

smnewstl Media Online l-Oitavo Governu liderado Taur Matan Ruak foti ona desizaun hodi taka provizóriu postu integradu Fronteira Terestre entre Timor-Leste ho Repúblika Indonézia durante semana rua.

Desizaun ne’e foti ligado ho virus Variante Delta ne’ebé daudaun ne’e rejista a’as iha Indonezia.

Virus Variante Delta rasik konsiderado hanesan onda ba daruak husi Covid-19, ne’ebe hamate ona ema rihun resin iha India no tuir kedas husi Nasaun vizinho Indonesia ne’ebe rezista kada loron mate atinze to’o atus lima resin resin.

Liu hosi despaisu N.o 084/MI/VII/2021, ne’ebe publika iha jornal republika, loron 9 jullu 2021, Guvernu desidi taka provizoriu postu fronteira terestre hodi evita risku propagasaun tanba konsiderado variante Delta iha potensia boot ba ameasa vida umana.

Despaisu governo nian ne’e asina direta hosi Ministru Interior atual Primeiru-Ministru, Taur Matan Ruak, ne’ebe nia validade hahu emvigor ha loron 10 Jullu to’o loron 24 Jullu tinan ne’e.

Maske nune’e, Postu integradu fronteira Terestre nafatin funsiona iha loron segunda feira no kuarta feira entre tuku 9 dader to’o tuku 1 meiudia hodi atende ba deit atividade merkaduria, nomos prioritiza nesesidade báziku kontinua tama no halo tranzasaun iha área zona livre internasionál entre nasaun rua.

Ba sirkulasaun internasional tuir karta komunikadu ne’e haktuir so bele autoriza tama ho razaun fundamental ba intrese publiku no apoiu humanitaria nian.

Iha sorin seluk, Komandante Unidade Patrulhamentu Fronteira, Superintendenti Euclides Belo reforsa katak, maske fronteira terestre, maibe nafatin halao servisu nune’e evita movimentu ilegal tama mai teritorio.

Nia hatutan, Fronteira Teresetre sei loke hikas fali iha loron 24 fulan Julho tinan ne’e.

Entretantu Variante Delta rasik rezulta ema mate iha Indonesia kada loro atinze to’o rihun ida resin. Numeru ne’e konsiderado a’as liu India no Brazil. (Rio)