Unidade Asean Metin Hodi Haforsa Ekonomia No Halais Dezenvolvimentu

Smnewstl.com (JAKARTA) – Prezidente Repúblika, Indonézia Joko Widodo kongratula nasaun membru Association of Southeast Asian Nation (ASEAN) ne’ebe kontinua metin hodi haforsa ekonomia nasaun no halais prosesu dezenvolvimentu rekursu umanu no infraestrutura.

Xefe Estadu Indonézia Jokowi informa asuntu ne’e durante abertura konferensia nivel altu ka Konferensi Tingkat Tinggi (KTT) ba dala-43 ASEAN iha edifisiu Plenary Hall, Jakarta Convention Center (JCC), Jakarta.

Jokowi hato’o benvindo no ba lider ASEAN sira inklui prezensa Primeiru-Ministru Kay Rala Xanana Gusmão reprezenta Timor-Leste nu’udar obserbador ASEAN ne’ebé sei hola parte nu’udar membru iha tinan 2025.

“Benvindo mai Jakarta iha simeira ASEAN ba dala 43. Ha’u ho povo Indonézia kontente simu perezensa familia boot ASEAN nian.Ha’u fiar katak, la’ós Indonézia de’it, maibé nasaun membru sira mós orgullu, iha sentimentu domin hanesan ba iha familia ne’ebé ita hanaran ASEAN. Iha ikus – ikus ne’e ha’u rona bebeik pergunta husi públiku kona-ba ASEAN, serake ASEAN sei fahe malu? ou ró (unidade) ASEAN sei kontinua avansa?. Exelensia, iha momentu oportunu ne’e, hanesan membru no hanesan uma nain ba ASEAN hau hakarak hateten unidade ASEAN nian to’o agora iha harmonia nia laran. iha unidade la’ós katak la iha diferensa hanoin, hanesan nasaun ida ne’ebé iha suku, kultura, lian no relijiaun oi-oin, mai Indonézia, unidade ne’e hanesan harmonia iha diversidade, inklui diferente iha hanoin,” nia hatete.

Tuir nian, tanba diferente iha hanoin, promove demokrasia, no hatudu, ba ema hotu hanesan familia iha pozisaun hanesan, igualdade ne’ebé iha susar ema hetan iha mundu agora, injustisa no konflitu mosu barak, tamba la iha ona igualdade. Maibé ASEAN diferente, igualdade hanesan prinsipal valor ema respeitu no ema defende hamutuk iha lasu uniaun no hamutuk ida ne’e bele hodi ASEAN kontinua dezenvolve iha ekonomia, no dezenvolvimentu.

Nia PR Jokowi rekoñese mundu agora la di’ak, iha dezafiu sira iha futuru sai difisil liután no sei rezulta luta ba influénsia husi podér boot sira, Maske nune’e, ASEAN konkorda ona atu la sai nu’udar proxy ba kualkér podér, atu kolabora ho ema ida atu hetan pás no prosperiedade.

Ba oin pais membru ASEN sira presiza servisu hamutuk no labele estraga malu, maibé, buka hametin unidade nasionál ne’ebé kria responsabilidade, estabilidade, paz ba rejiaun tomak no ba mundu.

Entretantu, konferensia ne’e paritisipa hosi xefe estadu no xefe governu sira inklui Timor-Leste reprezenta hosi Primeiru-Ministru, Kay Rala Xanana Gusmão no xefe governu ASEAN seluk tan hanesan, Primeiru Ministru Vietnam, Pham Minh Chin, Primeiru-Ministru Kambodia, Hun Manet, Primeiru Ministru Laos, Sonexay Siphondone, Primeiru-Ministru Malayzia, Anwar Ibrahin no Liurai Brunei Darussalam, Hassanal Bolkiah hamutuk ho lideransa ASEAN sira sa’e palku hodi kaer liman metin, hametin unidade nu’udar alvu hodi fó susesu ba nasaun membru sira. (Smnews)