To’o Husi Oecusse, Xanana Gusmao Presta Kedas Homenagem ba Saudosu ‘Ma’Huno Iha Metinaro

Smnewstl.com 04-10-2021 (Dili) – Eis Komandante Eim Xefe das Falintil, Kay Rala Xanana Gusmao, Tersa-feira ne’e fila hikas husi Regiaun Autonom Espesial Oecusse Ambeno hafoin sai sasin ba kazu Topu Honis, ne’ebe envolve Eis Padre Dasbach.

Tun husi Ro’o iha tuku lima ho balun lokoraik, Xananan Gusmao la liu ba nia rezidensia, maibe kontinua kedas ba Jardim dos Herois Metinaro hamutuk ho familia hodi presta homenagem ba saudosu.

Ba familia sira, Xanana relembra katak, kuinese saudosu ‘Ma’ Huno diak, tamba bainhira kuando rona novidades tristeza iha Oecusse, nia parte halo kedas mensagem.
“Ohin hau lakon, hau nia alin ida, Má-Hunu Bulerek Karatayno, hamutuk ho ha’u, maka
Sobreviventes husi Comité Central FRETILIN, husi kedas tinan 1980,ne’ebé Reorganiza fali Resistênsia Armada, iha I Konferênsia Nasional, nebé hala’o iha Marsu tinan 1981, iha Laline.

Xanana haktuir, Iha Konferênsia ne’e, maka sira na’in rua orienta Kuadrus sira
nebé partisipa iha nebá, hodi eleje fali Membrus Komité Sentral FRETILIN foun, hanesan Nino Konis Santana, Bere Malay Laka no selu-seluk tan, nebé mate iha funu laran no balun iha kedas fulan Setembro tinan 1981, iha Operasi Kikis, nebé inimigo hala’o iha Rejiaun Sentral.

Lere Anan Timur mós eleitu hanesan membro CCF no sai Komisáriu Politiku iha Rejiaun Haksolok/Fronteira Sul. Tha ona 1984, mak sai husi kuadru politiku no assume kargu hanesan Komandante.

Ohin loron, membros CCF husi jerasaun 1981, mak hela deit ona Komandante Lere. Husi fali jerasaun CCF 1975, nebé la rende no sei moris, maka ami na’in rua Má-Hunu ho ha’u. Maibé, ohin, Má-Hunu liu tiha ona.

Iha 1999, kompanheiru Má-Hunu hetan tiha stroke no terus, ho moras ida ne’e, to’o ohin nia husik tiha ita. Nudar Presidente Partido CNRT, hodi Partido tomak, kuadrus no militantes sira nia naran, ha’u hakarak presta ami-nia honra ba Fundador ida Partido CNRT nian.

Nudar mós Presidente Partido CNRT no nudar pessoal, ha’u hato’o sentidos pêzames ba Kompanheira Teresinha Viegas no ba família tomak husi Kompanheiro Ma-Hunu Bulerek Karatayano nian. Maromak simu hela nia iha ninia kadunan santo, hodi husu mós atu
Má-Hunu bele tau matan no akompanha ita hotu iha situasaun difisil (Rio)