Suco Asumano, Aman Ida Ho Katana Tetak Nia Oan To’o Mate

Smnewstl.com -Suco Asumanu lokaliza kuaze kilometru rua nulu resin husi Posto Administrativo Liquica Vila, Municipio Liquica. Suco ne’e rasik partense ba iha Posto Administrativo Loquica Vila ho maioria populasaun depende moris ba vida agrikultor liu husi halo tos no kafe.

Rai ne’ebe ho nia beleza matak tamba lokaliza iha foho okos entre Urahou, Municipio Ermera no Suco Leorema inklui Darulete, Municipio Liquica iha (Tersa-feira, 27-07-2021) oras Timor Leste lokorak hakfodak nakfilak ba ran bainhira JF idde (66) ne’ebe hanesan aman ida oho fali nia oan rasik ho naran kumpletu Feliz Sampaio Soares idade 32.

Situasaun ne’ebe konsiderado la merese atu akontese hakfodak hanesan mehi. Basa responsabilidade aman ida ba oan bo’ot tebes tamba liu sakrifisiu oi-oin maka Feliz Sampaio bele ultrapasa ba idade joven.

Tuir kronologia ne’ebe SMNews asesu husi fontes ne’ebe lakoi atu mensiona naran informa katak, kazu ne’e akontese iha Aldeia Kirilelo Suco Asumano kauza husi dezintendimentu oituan iha uma laran entre sira nain rua (matebean ho suspeitu).

Nia hatutan, dala balun akompanha suspeitu ho vitima sempre problema hela deit. Nune’e horseik lokoraik, suspeitu sai husi uma ho intensaun ba tos atu buka naha. To’o iha dalan klaran hasoru malu ho vitima no diskumfia supeitu hetan uluk insulto. Iha konfrontu ibun ne’e konsege lori sira nain rua to’o ba kofrontu viziku no konsege hodi rezulta suspeitu monu ba rai.

Sente moras no la simu ho asaun ne’e, suspetu ne’ebe uja katana ta’a uluk iha vitima nia liman hafoin kontinua ta’a tan iha kakorok, ulun no ikus tetak to’o mate fatin.

Parte Komando Policia Municipio Liquica ne’ebe simu informasaun kordena kedas ho OPS destakada hodi desloka ba lokal de krime hafoin Komando Esquadra Liquica to’o iha tereinu hodi asegura suspeitu inklui sasan evidensia hanesan katana.

Suspeitu oras ne’e rasik detein ona iha sela detensaun Komando Policia Liquica hodi submete ba sela detensaun oras hitu nulu resin rua, hafoin kontinua ba Trbunal hodi responsabiliza ba aktu krime ne’ebe komete, enkuanto vitima submete ba autopsia hafoin halot tuir kultura.

Tuir informsaun mos katak, suspeitu divorsiada ho nia kaben no oan sira duante ne’e hela deit ho inan. (Rio)