Sorumutu Bilaterál Entre Prezidente Horta Ho Primeiru SHRI Narendra Mondi

Gandhinagar Índia, 09 janeiru 2024.Prezidente Repúblika J. Ramos-Horta hasoru malu ho Primeiru Ministru Shri Narendra Modi iha Gandhinagar Índia, ohin loron 09 janeiru 2024.

Iha sorumutu ne’e Primeiru Ministru Mondi hato’o nia bemvindu ba Xefe Estadu ho delegasaun sira ne’ebé sei partisipa iha simeira Gujarat ba dala 10.

Sorumutu Líder nain rua ne’e hanesan primeira vizita Estadu no Governu nian entre nasaun rua Timor-Leste no Repúblika Índia. Primeiru Ministru Mondi reafirma ho komikmentu forte katak sei hametin liu tan relasaun Bilateral entre nasaun rua ne’e nian iha Futuru.

Prezidente Horta hato’o nia agradesimentu ba Primeiru Ministru Mondi nia Konvite hodi bele partisipa iha Simeira ida ne’e. Atu bele alkansa nia prioridade sira, Xefe estadu husu mos Governu Índia nia apoiu, atu bele tulun Timor-Leste, liu-liu iha área Saúde no reforsa kapasitasaun IT.

Primeiru Ministru Índia Shri Narendra Mondi kompremitidu katak, sei tulun Timor-Leste iha area dezenvolvimentu, kapasitasaun umana, Tekonolojia IT, saúde inklui fornese ai-moruk tradisional no farmaseutíka.

Prezidente Repúblika hateten sei apoia maka’as ba Índia nia misaun permanente iha membru Konsellu seguransa ONU nian. Lideres rua ne’e komprete katak sei serbisu hamutuk liu tan iha arena multilateral.

Xefe Governu Mondi fó mos apresiasaun ba Timor-Leste nia partisipasaun ativu iha edisaun daruak Simeira Voz Sul Globál nian (Voice of Global South Summit). Sira konkorda hamutuk katak nasaun hotu-hotu ne’ebé hamahan-an iha “Global South Summit” ne’e, tenke reforsa sira pozisaun iha kestaun Globál nian.

Primeiru Ministru Mondi mos Felisita Prezidente Horta kona-ba desizaun Prinsipiu ASEAN nian hodi rekoñese Timor-Leste nu’udar membru ba dala 11 no nia espera katak Timor-Leste nia adezaun ne’e, bele alkansa iha tempu badak.

Relasaun Bilaterál Timor-Leste no Índia ho valor demokrásia sira no pluralidade ne’ebé hanesan. India mak nasaun primeiru ne’ebé estabelese relasaun diplomátika desde tinan 2003.

Mídia PR