SIJK Rezista Kazu Foun 269, Mate 2

Smnestl.com 02-09-2021 (Dili) — Sala Situasaun Sentru Integradu Jestaun Krize (SIJK) rejista kinta-feira ne’e kazu detadu foun covid-19 hamutuk 269, rekuperadu hamutuk 262 no kazu óbitu (mate) na’in rua.

Kazu detetatu foun ne’ebé relata ohin dia 2 de Setembru de 2021 hamutuk 269, iha Dili 139, Ermera 27, Baucau 22, Bobonaro 16, Covalima 14, Lautem 12, Viqueque 9, Manufahi 9 no munisipiu seluk hamutuk 21.

Husi total kazu detetadu foun ohin, mane hamutuk 158, no feto hamutuk 111. Husi total kazu detetadu foun ohin, hirak ho idade tinan 20 to’o 58 (21,5%), ho idade entre tinan 12-59 na’in 187 (69,5%), ho idade 60:24.

Husi  total  kazu  detetadu foun ohin, 94 kazus ka 35,% maka sintomátiku (hatudu sintomas), na’in 73 (27%) iha ona vasina kompletu no 28 (10%) hetan ona vasina          doze dahuluk.

Alem de ne’e, kazu rekuperadu ne’ebé ralata ohin, dia 2 de Setembru de 2021 262,no kazu ativu ohin,hamutuk 4.485, no mós kazu konfirmadu kumulativu sura husi loron 21 fulan Marsu tiinan 2020 to’o loron 2 de Setembru de 2021 hamutuk 17.183.

Total kazu óbitu ka mate ne’ebé relata ohin, hamutuk ema na’in-rua 2, mak hanesan feto, idade tinan 36, Timoroan, hela iha Dili, seidauk vasina, iha 21 de Agostu de 2021, diagnóstikadu iha HNGV ho sindroma insufisiénsia respiratória  aguda (SIRA) tanbá Covid-19.

Nune’e iha loron ne’e kedas matebian hala’o tratamento iha Vera Cruz, no  Matebian i’is-kotu ohin dader 04h00.

Ida seluk mane ho idade tinan 60, Timoroan, hela iha Dili, seidauk vasina, iha 2 de Setembru de 2021 diagnóstikadu iha HNGV ho sindroma insufisiénsia respiratória       aguda (SIRA) tanbá Covid-19, no matebian i’is-kotu ohin 13h25, iha HNGV.

Husi horiseik mai ohin, dia 2 de Setembru de 2021, hamutuk hotu Laboratóriu    Nasionál Saúde halo teste PCR iha Dili hamutuk 759.

Vijilánsia sentinel hamutuk 48,restreiu ba kontaktu (Contact tracing) 88,restreiu aleatóriu (Random Screening)129, viajen sai husi serka sanitaria Munisipiu Dili hamutuk 212, viajen internasionál hamutuk 87, follow-up iha quarentena hamutuk 195.

Total testes PCR ne’ebé halo horiseik, dia 1 de Setembru, iha Munisipiu sira seluk, Rejiaun Administrativa Espesiál Oe-cusse Amberu (REAOA) no mós Ospitál Nasionál Guidu Valadares (HNGV), hamutuk 481. ho detallas mak hanesan.

Munisípiu Baucau hamutuk 107, Ermera 8, Maliana 71, Maubisse 21, RAEOA 32, Suai 68, Viqueque 25, Lospalos 14 no iha HNGV hamutuk 135.(ant)