SIJK Rejista Kazu Foun Kovid 113, Mate 2

Smnewstl.com 30-08-21 (Dili) — Sala Situasaun Sentru Integradu Jestaun Krize (SIJK), Segnda-feira ohin, rejista kazu detetadu foun hamutuk 113, rekuperadu 91, no óbitu (mate) na’in rua feto hotu.

Kazu detetatu foun ne’ebé relata ohin dia 30 de Agostu de 2021: 113 (iha Dili 66, Baucau 32 no munisipiu seluk hamutuk 15).

Husi total kazu detetadu foun ohin, mane hamutuk 58, no feto hamutuk 55, husi total kazu detetadu foun ohin, hirak ho idade tinan 60:4.

Husi total kazu detetadu foun ohin, 61 kazus ka reprezenta husi 54,% maka sintomátiku (hatudu sintomas) no na’in, 17 (15%) iha ona vasina kompletu no mós na’in 13 (12%) hetan ona vasina doze dahuluk.

Nune’e mós, kazu rekuperdu ne’ebé relata ohin dia 30 de Agostu 2021 hamutuk ema na’in 91.

Alemde ne’e, total kazu ativu ohin, dia 30 de Agostu 2021 hamutuk 4.574, total kazu konfirmadu kumulativu iha 30 de Agostu 2021 ne’ebé sura husi 21 Marsu tinan 2020 hamutuk 16.515.

Total óbitu ne’ebé relata ohin, 30 de Agostu 2021: 2 (rua), feto, ho idade tinan 73, timoroan, hela iha Ainaro, seiduak vasina, iha loron 27 fulan Agostu tinan 2021 pasiente ne’e halo diagnóstikadu iha munisípiu Ainaro ho sindroma insufisiénsia respiratória aguda (SIRA) tanbá Covid-19.

Nune’e iha loron ne’e kedas matebian hala’o tratamentu iha Lahane tuir protokolu ne’ebé iha, matebian i’is-kotu ohin madrugada 01h44, tanbá respiratoric failure/parajen respiratória.

No ida seluk feto ho idade tinan 83, Timoroan, hela iha Dili, seiduak vasina kompletu, iha 22 de Agostu de 2021 diagnóstikadu iha HNGV ho sindroma insufisiénsia respiratória aguda (SIRA) tanbá Covid-19.

Iha loron ne’e kedas matebian hala’o tratamento iha Vera Cruz tuir protokolu ne’ebé iha. Matebian sofre mós problema fuan. Matebian i’is-kotu ohin dader 10h55, tanbá respiratoric failure/parajen respiratória.

Husi horiseik mai ohin, dia 30 de Agostu, hamutuk hotu Laboratóriu Nasionál Saúde halo 520 testes PCR iha Dili hanesan, vijilánsia sentinel hamutuk ema na’in105, rastreiu ba kontaktu (Contact tracing) hamutuk ema na’in 76.

Rastreiu Aleatóriu (Random Screening) hamutuk 69, viajen sai husi serka sanitária iha munisipiu Dili hamutuk 59, viajen internasionál 24 no Follow up iha quarentena hamutuk187.

Entretantu,total testes PCR ne’ebé halo horiseik, dia 29 de Agostu, iha munisipiu sira seluk, Rejiaun Administrativa Espesiál Oe-cusse Ambenu (REAOA) no Ospitál Nasionál Guidu Valadares (HNGV) hamutuk 125, ne’ebé kompostu husi munisípiu Baucau 54, Ermera 0, Maliana 20, Maubisse15, RAEOA 9, Suai14, Viqueque 4, Lospalos 0, no HNGV na’in 9.(ant)