Prezidente Repúblika Hasoru Nia Homólogu Husi Azerbaijaun

Smnewstl.com- Baku, 07 Marsu 2023 Prezidente Repúblika, José Ramos-Horta, hasoru malu ho nia homólogu husi Azerbaijaun Ilham Aliyev iha Baku, kapitál Azerbaijan, hodi ko’alia kona-ba abertura relasaun diplomátika.

“ Ne’e passu importante no garante katak relasaun amizade, kooperasaun efetiva no parseria entre nasaun rua  sei kontinua. Além de ne’e, hato’o ha’u nia agradesimentu ba reprezentasaun altu nível nasaun ne’e, ba Movimentu Naun-Aliñadu  foin lalais ne’e. Reuniaun ne’e, susesu tebes, dala ida tan, hatudu soliedariedade entre nasaun membru,” Hateten Xefe Estadu hafoin hasoru malu ho nia homólogu husi Azerbaijaun.

Xefe Estadu husu ba ba nia homólogu, atu estuda possibilidade atrbui bolsa estudu ba estudante sira iha Timor-Leste, hodi estuda iha Azerbaijaun.

Prezidente Azerbaijaun, Ilham Aliyev, promete atu konsidera pedidu ne’e no aprezenta katak, bolsa estudu aloka on aba estudante estranjeiru, inklui estudante husi estadu membru husi Movimentu Naun-Aliñadu.

Prezidente Azerbaijaun mos fiar katak, vizita ne’e Xefe Estadu Timor-Leste bele loke dalan ba kooperasaun iha àrea oi-oin.

“Ita nia nasaun do’ok malu, mas ha’u fiar katak, ida ne’e labele impede ita halo kooperasaun iha àrea oi-oin. Maske koopesaun nível polítiku, tenke konsidera oportunidade iha área seluk. Klaru ita-nia vizita mai Ajerbaijaun kria oportunidade atu dekurutu klean ba interesse rai rua. Señor Prezidente, Bem vindo mai Azerbaijaun” Hateten Prezidente Ilham Aliyev.

Antes ne’e, Prezidente Repúblika promte buka apoiu husi Azerbaijan, ba programa ne’ebé durante ne’e Prezidénsia Repúblika promove, liu-liu iha empoderamentu feto.

“Ha’u nia preokupasaun númeru ida mak ne’e, buka orsamentu ruma tan, para apoiu ba feto sira, feto ki’ak sira, feto fila-liman, faan sasan iha merkadu, feto produtor agrikula, feto haki’ak manu, haki’ak animal no sê bele hetan tulun husi Azerbaijan, tanba sira rai riku, hodi aumenta programa Prezidénsia nian, hodi tulun ki’ak sira, hau  kontente,” Tenik Xefe Estadu.

Prezidente Repúblika, José Ramos-Horta, defende importánsia hametin relasaun diplomátika ho nasaun seluk, hodi promove Timor-Leste nia imajen.

 “Nu’udar embaixador numeru um, Símbolu nasaun no tanba hau koñese mundu tinan lubuk ida, viajen tama, sai aviaun, ha’u kole ona, maibé tanba ha’u nia papél, ha’u nia responsabilidade, primeiru mak marka Timor-Leste iha ajenda internasionál, hametin amizade ho líder oi-oin, ema simples, esplika ba sira, Timor-Leste nia susesu,” Fundamenta Ramos-Horta. (smnews)