PR Horta Ho Delegasaun Kontinua Vizita Estadu Bá Filipina

Smnewstl.com – Manila, 08 Novembru 2023 Prezidente Repúblika-PR, José Ramos-Horta ne’ebé akompaña husi Ministru Negósiu Estranjeiru no Kooperasaun, Bendito dos Santos Freitas, kuarta-feira ne’e, ho delegasaun kontinua hala’o vizita estadu bá Manila-Filipina, hafoin remata vizita ofisiál iha Brunei Darussalam ne’ebé hahú husi loron 6 to’o 7 Novembru ne’e.

Xefe Estadu, Ramos-Horta ho delegasaun to’o iha Filipina iha tuku 14:15 loro-kraik ho Aviaun Royal Brunei, ne’ebé simu direta husi Embaxador Dezignadu Timor-Leste bá Filipina, Marciano da Silva no Embaxadora Filipina iha Timor-Leste, Belinda Mariano Ante.

Husi Aeroportu, Delegasaun lori kedas Prezidente Repúblika ho komitiva sira diretamente bá  iha Hotél “Raffles, Makati”.

Tuir ajenda, Prezidente Repúblika, José Ramos-Horta, sei hala’o enkontru bilateral ho nia omólogu Prezidente Repúblika Filipina, Ferdinand R. Marcos Jr ho entidade importante seluk tan.

Maibé, Xefe Estadu mós sei halo palestra iha Universidade “Ateneo de Manila” Filipina ho tema “Peace Building, Nation Building”.

No iha parte lorokraik Prezidente Repúblika , José Ramos-Horta, halo mós Vizita bá iha sede Banku Dezenvolvimentu Aziátiku.(SMnews)