Organizasaun Mundial Saude Trasa Medida Ba Nasaun Sudeste Aziatik

Smnewstl.Com-Organizasaun Mundiál Saúde promove evento mundial hodi defini politika, politika no komprimisu ba Nasaun sira iha Sudeste aziatiku ba tinan 2030.

Enkontru ho tema South-East Asia Region WHO-SEARO realiza iha Nova Iorke, Estadus Unidus Amérika, partisipa husi delegasaun husi Timor-Leste ne’ebé kompostu husi Prezidente Repúblika, José Ramos-Horta, Ministra Saúde Elia dos Reis no seluk tan.

Ministra Saúde, Elia dos Reis aprezenta progressu servisu saudé iha Timor-Leste, dezafiu ba dezenvolvientu seitór saúde no intervensaun ba melloria prestasaun servisu saúde ba sidadaun sira.

Tuir Elia dos Reis, governu avansa ona ho programa hanesan Servisu Saude intergradu, ho intensaun atu hadi’a no garante kualidade assistensia saúde ba populasaun iha baze.

Governante ne’e mos aprezenta prespetiva global no nasional kona-ba luta kontra moras hada’et no la hada’et no destaka nesesidade servisu hamutuk entre nasaun sira, hodi alkansa objektivu ne’e.

Alem de ne’e, defende nesesidade aloka fundu husi kada nasaun no parseiru sira no mos defini prioridade ba intervensaun iha seitor saúde.(smnews)