OMS Promete Apoia Eleminasaun Moras Tropikal Iha Timor-Leste

Smnewst.tl.com-Organizasaun Mundiál Saude – OMS promete apoia eliminasaun malária iha Timor-Leste, dangue no moras tropical seluk iha Timor-Leste.

Prontidaun husi OMS ne’e deklara liu hosi enkontru entre Ministra Saúde, Elia dos Reis no Diretór Jerál OMS, Tedros Adhanam Ghebreyesus, iha Nova-Lorke, Estadus Unidus Amérika (EUA).

Tuir Tedros Adhanam , foku iha 2023 mak eliminasaun malária no ho asistensia husi OMS, servisu saúde hakarak, kombate dangue no moras tropical seluk ne’ebe fo ameasa ba Timor-Leste.

Assitensia seluk ne’ebé mak Organizasaun Mundial ne’e hakarak oferese mos ba Timor-Leste mak formasaun rekursu humanu iha seitor saúde, hodi hadi’ak liu-tan asistensia saúde ba Timor-oan tomak.

” Sei apoiu ba servisu prestasaun Kuidadu Saude Primária (KSP), Sekundária no Tersiária, inklui apoiu desenvolve kapasidade profesionais saúde no área prioridades saúde seluk iha TL ba futuru” Tenik Diretor Jeral OMS Saude.

Iha biban ne’e, Ministra Saúde agradese ba OMS ne’ebé disponibiliza apoiu tékniku no fundus sira liuliu durante periódu pandemia Covid-19.(smnews)