Ohin, SIJK Rejista Kazu Detetadu Foun 158, Rekopera 466

Smnewstl.com 08-09-2021 (Dili) — Sala Situasaun Sentru Integradu Jestaun Krize (SIJK) rejista Kuarta-feira ohin, totál kazu detetadu foun Covid-19 hamutuk 109, no rekoperadu hamutuk 466.

Kazu detetadu foun 158 ne’e, husi Munisípiu Dili hamutuk na’in 109, Baucau 17, RAEOA 8, Ainaro 8, Manatuto 6 no munisipiu seluk hamutuk 10. Husi total kazu detetadu foun ohin mane hamutuk 72, feto 86, no husi kazu refere, hirak ho idade tinan 13 to’o tinan 60.

Husi total kazu detetadu foun ohin, 40 kazus ka 25,3% maka sintomátiku ka la hatudu sintomas, maibé kazu 158 ne’e, 36 (23%) iha ona vasina kompletu, 24 (15%) hetan ona vasina doze dahuluk.

Kazu rekuperadu ne’ebé ralata ohin, dia 8 de Setembru de 2021: 466, total kazu ativu 3.631, kazu konfirmadu kumulativu iha 8 de Setembru de 2021 ne’ebé sura husi 21 Marsu 2020 18.046, total óbitu ida.

Kazu óbitu mate ohin, mane ho idade tinan 60, timoroan, hela iha Dili, vasina seidauk kompletu, no iha 5 de Setembru 2021, halo diagnóstiku iha HNGV, ho sindroma insufisiénsia respiratória aguda (SIRA), tanba Covid-19.

Nune’e iha loron ne’e kedas matebian hala’o tratamentu iha Lahane, maibé la konsege salva vida, tanba ne’e, matebian koatu-i’is iha kuarta ohin dader, 3:52.

Alemde ne’e, husi horiseik mai ohin, hamutuk hotu Laboratóriu Nasionál Saúde halo teste PCR bá amóstra iha Dili 495 hanesan, vijilánsia sentinel 75, restreiu ba kontaktu (Contact tracing):83, no restreiu Aleatóriu (Random Screening) hamutuk 105.

Entretantu, viajen sai husi serka sanitária Munisipiu Dili hamutuk132, viajen internasionál12, follow-up iha quarentena:88.

Total testes PCR ne’ebé halo horiseik, dia 7 de Setembru, iha Munisipiu sira seluk, REAOA no HNGV, hamutuk 420, iha Munisípiu Baucau 105, Ermera14, Maliana 49, Maubisse 20 no RAEOA 38, Suai:41, Viqueque:21, Lospalos:9, HNGV:123. 8.

Entretantu, vasina ne’ebé fo’o ona ba populasaun elijível (tinan 18 ba leten), to’o ohin dader 10H00, dia 8 de Setembru de 2021 tuir Sistema Informasaun Sáude iha Ministériu Saúde, vasina doze primeiru hamutuk 52.9% no doze daruak hamutuk 28.7.(ant)