MS Sei Restrutura Sames.IP

Smnewstl. Com-Ministériu Saúde sei halo reestruturasaun ba responsável sira Servisu Autónomu, Medikamentus no Ekipamentus Saúde (SAMES.IP).

Desizaun ne’e anuncia husi Vise-Ministru Fortalesimentu Institusional Saúde (VMFIS) no Ministru Saúde Em Ezersisiu, José dos Reis Magno, hafoin halo enkontru ho dirijente sira husi SAMES.

Tuir José dos Reis Magno, Diretur Exekutivu SAMES, Santana Martins, sei substitui husi Brigido Simão dias de Jesus no tranzisaun lideransa ne’e sei ofisializa iha tempu besik.

Entretanto, vizita Vise Ministru Saude ba instalasaun Servisu Autónomu, Medikamentus no Ekipamentus Saúde atu hare kondisaun husi instituisaun ne’e no atualiza servisu kona-ba atendimento ba organizmu ne’e ba sidadaun, liu husi fornseimentu aimoruk no ekipamentu saúde sira.(smnews)