MS Deklara Variante Delta Seidauk Rezista Iha TL, Husu Komunidade Atu la Paniku

SMNewstl Media online -Dadaun ne’e publiku hahu paniku ho virus Variante Delta ne’ebe atake mundo hahu husi nasaun dezenvolvidu India nebe hamate ema rihun resin no komesa ona alastra tama to’o iha nasaun vizinho Indonesia, nebe rezista kada loron ema lakon vida atinze to’o atus lima resin.

Virus ida ne’e konsiderado hanesan onda ba daruak nebe tuir sientifika sira katak, sei kauza ema mate barak liu.

Ligado ho virus refere nebe tuir informasaun balun katak, tama ona iha Timor Leste, Ministerio Saude konsidera informasaun ne’e laos.

Ba SMNewstl Media online, Diretora Geral, Ministro Saude, Odete Viegas atual Kordenadora Geral Vasinasaun deklara simu ona komfirmasaun husi Laboratorium Nacional katak, informasaun Variante Delta tama ona mai Timor Leste, nee la los.

“Variante Delta LA REGISTA iha Timor Leste. Sequencing Sampel Sei Processa hodi haruka ba Australia hodi hatene Variante iha Timor.

Lista iha Fulan Desembre 2020, Timor Leste regista Variante UK Alfa, ema ida detekta iha Fatin Karantina. No teste fali negativo molok sai nune to’o ohin loron seidauk iha Variante foun iha Timor Leste,”haktuir Odete .

Nia hatutan, atu detekta Variante Delta tama ou lae, tenki liu husi teste sampel. “Ema hirak nebe maka durante ne’e submete ba teste swab, sira nia sampel haruka ba Australia e Australia mos sei halo fila fali selesaun ba sampel sira nee e depois mak halo test katak, husi sampel sira ne’e, iha Variante foun ruma ga lae, hanesan Variante Delta ne’e,”informa Odete.

Tuir nia, bazeia ba komfirmasaun husi parte Laboratorium Nacionak katak, seidauk iha Variante foun ne’e tamba sampel sira sei haruka hela ba Asutralia hodi halo selesaun, hafoin halo teste iha ga lae, Variante foun nee.

Kordenadora Geral ba Vasinasaun Timor Leste ne’e nafatin husu ba publiku atu labele paniku, maibe nafatin komprimenta ba regras saude mundial nian nunee hamutuk luta ba kontra virus refere. (Rio)