Membru BOP Ida Mate Derepenti Iha Kazerna, Diskumfia Atakasaun Kurasaun

SMNewstl.com-Tersa feira dader ne’e, Familia bo’ot husi Membru Policia Nacional Timor Leste (PNTL) Unidade Batalhao Orden Publiku (BOP) hakfodak tebes ho elementu ida ne’ebe hetan ho kondisaun laiha ona i’is iha kazerna laran Caicoli Dili.

Tuir kronologia ne’ebe SMNewstl asesu komfirma katak, matebean sofre moras kurasaun kleur ona ne’ebe antes ne’e mos hetan tratamentu iha Malaysia. Bazeia ba informasaun, matebean utiliza kadeli iha fuan.

Hanesan bai-bain servisu Militar kada loron sempre realiza formatura. Nune’e iha dadersan komu la hetan matebean iha formatura, entaun komando orienta membru ida ba hare iha kazerna laran.

To’o iha neba, komu hare matebean toba los hela ho kalsa badak, isin molik ho kondisaun laiha ona i’is, entaun halai fila fali deit hodi mai bolu komandante nune’e bele ba hare direita hafoin informa ba ekipa forensik, Sala Jestaun Krize inklui familia.

Ekipa Jestaun krize akompanha hafoin utiloza ropa kumpletu tama kedas ba kuartu matebean hodi hasai amostra tuir protocolo Saude Mundial ba ema ne’ebe mate derepenti hafoin intrega ba familia hodi halo’t tuir kultura.

Remata hasai sampel ne’ebe akompanha kedas husi familia inklui kolegas nomos komandante BOP rasik, parte jestaun krize husu komprensaun hodi hein rezultado durante oras nia laran hafoin bele intrega.

To’o informasaun ne’e fo sai mate isin sei kontinua latan hela iha kazerna laran no iha liur mos nakonu ho familia nomos kolegas polisia sira li-liu husi Unidade BOP.(Ant)