Mate Loron Tolu Iha Uma Laran, Vizinho Foin Detekta Horikalan

SMNew.tl-Sam Guido Martins kuinesidu ho naran Sam, jornalista no fotigrafer senior ne’ebe dahuluk asesu ba iha Masacre Sao Joao de Brito Liquica, hakotu ona is desde kedas Sexta feira semana kotuk iha nia rezidensia, Aldeia Haburas, Suco Bairo Pite Surikmas Dili.

Familia foin detekta Sam nia mate isin, iha Segunda feira, 12-05-2021, horikalan maizumenus tuku sanulu ho balun bainhira horon hetan i’is nebe la saudavel sai husi matebean nia rezidensia.

Vizinho Celestino Ramos haktuir, desde kedas Sexta feira semana kotuk, laiha kontaktu ho matebean. “Desde Sexta ne’e, ami la hetan ona matebean, horiakalan maka ami horon fali is makas los, entaun ami kombina malu hodi informa ba policia, tamba iha uma ne’e, nia mesak mak hela,”haktuir Celestino.

Nia hatutan, matebean hanesan ema ne’ebe diak no sempre liga malu diak ho vizinho sira. Maibe sobre kronologia mate, sira rasik la hatene.

“Hanesan hau hato’o ona, horikalan horon i’is ne’e, ami foin hatene nune’e informa kedas ba policia no ohin dadersan husi Forensik hamutuk ho Kestaun Krize parte Kovid nian mos to’o ona mai hare oinsa asegura,”nia hatutan.

Observasaun SMNews iha tereinu kpmfirma katak, ekipa Jestaun Krize me’ebe to’o iha tereinu tama kedas ba rezidensia matebean hodi foti sampel ba halo teste molok foti sai mate isin.

Teste ne’e rasik hanesan parte ida hodi evita propagasaun Kovid-19, nebe sai ameasa mundial.

To’o informasaun ne’e fo sai, mate isin kontinua iha hela rezidensia laran hodi hein rezultado husi Laboratorium ba teste sampel nebe tuir informasaun sei fo sai iha oras nia laran.

Enkuanto matebean rasik iha oan hakiak feto ida, ne’ebe iha hela foho ho nia kaben no foin mak to’o mai Dili ohin dadersan wainhira simu informasaun husi vizinho. (Rio)