Lakon Esperansa Hafoin Laen Husik Hela, Sidadaun Indonesia la Imagina Hetan Apoio Husi Xanana

SMNewstl.com (DILI)-Lucia Mega Purnamawati (38) ), inan faluk ida husi Aldeia Aldeia Kakeularan, Suco Becora, Posto Administrativo Cristo Rei, Municipio Dili.

Lucia durante ne’e moris mesak ho nia oan nain ha’at iha uma ida ho kondisaun la favaravel tebes, hafoin kaben husik hela sira iha tinan rua liu ba.

Situasaun ne’e halo sira sai susar tebes basa ema ne’ebe sai hanesan aliserse (tulang pungun) husik hela sira.

Aliende sai inan, Lucia mos tenki sai aman (buka hahan) hodi fo han oan nain ha’at liu husi dalan faan Bakso ate to’o servisu restorante, basa laiha murak mean ida maka matebean husik hela ba sira.

So deit hela fatin inklui motorizada maka husik hela. Situasaun ne’e ejize Lucia tenki buka meus hotu nune’e hetan osan hodi augbenta moris.

Laiha dalan seluk ba nia atu halo basa hanesan sidadaun estrangeiru ida la fasil ho oan nain 4 atu mesak hean hasoru laloran moris nebe nakonu ho sofrementu.

Lucia tenki faan motorizada ne’ebe matebean husik hela nunee oituan utiliza ba fila liman liu husi negosio Bakso no oituan seluk utiliza hodi hola aihan ba augbenta moris.

Hare ba situasaun no negosio Bakso ne’ebe la lao diak ejize Lucia tenki ba sakrifika an iha restorante. Maske nune hare ba kondisaun oan mane kik nebe foin ho idade tinan rua halo Lucia labele bok an ho diak basa laiha ema atu hein.

Situasaun moris ne’e halo Lucia hahu lakon esperansa nune’e buka dalan fan uma ne’ebe laen husik hela hodi fila ba nia rai.

Prosesu ne’e la lao ho fasil, maske dala barak halo komunikasaun, maibe sempre la hetan rezultado.

Lucia ne’ebe hahu lakon esperansa nakfilak hanesan mehi, basa la imagina liu husi esforsu lubuk ne’ebe halo konsege hasoru nia ho Kay Rala Xanana Gusmao nune’e deside hakman sofrementu ne’ebe nia infrenta.

Xanana organiza kedas ekipa ne’ebe hamahan an iha grupo X hamutuk konstroi hikas uma ne’ebe la favoravel inklui apoio buat ruma hodi inan feton ne’e ho oan bele augbenta moris.

Triste kahur kontenti bainhira simu save uma odamatan husi Kay Rala Xanana Gusmao hafoin hetan bensaun husi Amo Roberto Cosat, svd Culuhun.

Ba Xanana Gusmao inan faluk ne’e hato agradesimentu wain no hasae orasaun ba aman maromak atu kontinua haraik vida naruk hodi servi povu no nasaun. (Rio