Korea do Súl Hakarak Halo Timor-Leste Sai Matak

Smnewstl.com – Primeiru-Ministru, Kay Rala Xanana Gusmão hala’o enkontru ho Ministru Florestas Korea do Súl, NAM Sung Hyun hodi deskute apoia Timor-Leste iha área refloresaun hodi kuda aihoris ne’ebé di’ak hodi hamatak foho lolon no rai mamuk sira iha Timor-Leste.

“Ministru Floresta husi Korea Do sul,Ita sente kontente teb-tebes mai timor-Leste,sira iha esperensia boot teb-tebes kuda ai,hahu tiina 50 ba kotuk ba too agora.ne’e duni sira haree ba timor-leste sira hakarak ajuda mai atu ita nia rai labele maran demais hanesan babain ita haree dadauk.ne’ebe enkontru diak teb-tebes sira sei fo apoio barak kuda ai atu hamatakita nia rain ” informa PM Xanana hafoin ekontru iha Gabinete Fronteira Maritima no Terrestre Palasiu Governu, Dili.

  Ho apoia ne’e, Ministériu Agrikultura no Peskas (MAP) sei halo planu didi’ak foin bele ezekuta programa iha ne’e iha tinan 2025 ba oin.

“Ohin Ministru dehan ,COICA sei fo apoia,ita sei halo planu didiak to’o iha 2025 mak halo programa didiak ne’ebe fo  tempo ba Sekretariu Estado Reflorestasaun no Ministeriu agrikultura no Peskasatu planu,tamba koreia hakarak fo apoio ida ne’e”

dehan PM Xanana.

Iha fatin hanesan, Ministru Florestas Korea do Súl, NAM Sung Hyun promote sei haruka uluk peritus kona-ba reflorestasaun hala’o uluk peskiza kona-ba rai Timor-Leste nian hodi bele hatene rai ne’ebé di’ak serve atu kuda ai bele moris hodi hamatak foho lolon sira.

“Agradese tebes ,ohin mai ami partilha liu kona-ba esprensia koreia do Sul nia konaba area reflorestasaun ninian iha esperensia tinan 50 liu oinsa ami prezerva ami nia foto sai matak no oinsa kuda ai ne’ebe diak iha rai hodi sai matak.tanba ne’e ami hakarak koopera hodi oinsa bele ajuda timor leste hodi hatan faho sira timor leste”informa Ministru NAM Sung Hyun.

Governu Timor-Leste mós ba domin hosi Governu no Setór Privadu Koreia do Súl fó oportunidade ba Timoroan rihun ba servisu hetan kompeténsia no esperiénsia serbisu iha Koreia do Súl, liuhusi programa kooperasaun serbisu.

Entretantu, ekontru ne’e akompaña direita hosi Ministru Agrikultura no Peskas (MAP), Marcus da Cruz, Sekretariu Estadu Floresta, Fernandino Viera da Costa, Embaixador Koreia do Súl ba Timor-Leste, Shin Man Taek no ekipa protolu hosi Ministériu Negosiu Estranjerus no Kooperasaun (MNEK). (SMnews)