Komfirmado, Bispo Dom Basílio do Nascimento Hakotu Ona I’is Iha HNGV

Smnewstl.com 30-10-2021 (Dili) – Bispo Dioseze Baucau, Dom Basílio do Nascimento hetan atakasaun derepenti iha Municipio Covalima no evakua kedas ho aviaun mai Hospital Nacional Guido Valadares, maibe la konsege salva nune’e hakotu ona i’is iha minutu balun liu ba.

Diretora Geral Ministerio Saude, Odete Maria Viegas rekuinese srani katolika Timor Leste lakon ona Bispo Baucau ne’ebe hakotu ona i’is iha HNGV.

Dom Basílio do Nascimento evakua husi Munisípiu Covalima mai Dili ho aviaun iha oras tuku 12 meudia tamba hetan atakasaun derepenti. Maske konsege submete ba iha ICU, maibe planu nai maromak deside oin seluk nune’e la konsege salva.

Tuir agenda, Bispo Dioseze Baucau, Dom Basílio do Nascimento desloka ba Municipio Covalima hodi partisipa selebrasaun misa agradesimentu bá amu na’in tolu ne’ebé foin hetan ordenasaun iha Kinta-feira liu bá.

Missa refere tuir loloos atu hala’o iha Zumalai Munisípiu Covalima iha Sábdu ohin, maibé la konsege tanba hetan atakasaun, nune’e deside evakua kedas mai Dili.

Mate isin sei iha hela Hoslital Nacional Guido Valadares Dili, no srani inklui amo lulik sira mos hakbesik ona ba iha ne’eba.(ant)