Key Xavier Lori Komunidade Suco Maulau ba Akompanha Prosesu Dezenvolvimentu Rai Laran

Smnewstl.com 08-10-2021 (Dili) – Suco Maulau lakaliza kuaze kilometru rua nulu resin husi Posto Asministrativo Maubisi, Municipio Ainaro.

Atu asesu ba Suco refere presiza oras tolu ou hat nia laran ho transporte publiku no privado kauza husi estrada ne’ebe a’at.

Aliende problema estrada, Suco Maulau mos infrenta problema be’e mos ho Eletresidade.

Tinan rua nulu resin ona independensia, abitante sira kontinua moris deit iha nakukun laran nune’e labele akompanha prosesu dezenvolvimentu iha rai laran hahu husi nebe, ba nebe no to’o ona iha nebe.

Bernardo Tilman, Katakista Santa Clara iha Suco refere ba SMNews haktuir, sente ona ukun a’an, maibe ukun ida nebe seidauk maimu tamba sei moris iha probreza.

“Problema ne’ebe ami iha Suco ida ne’e infrenta maka estrada, be’e no eletresidade. Ami nia oan sira iha tempu kalan labele estuda hanesan oan sira seluk tamba ahi laiha, atu nonton deit televizaun mos ba nonton iha ne’ebe, buat hotu mai ami mukit los,”nia kestiona

Liman ain Amo Lulik iha baze nee hatutan, foin dadauk maka emprezario timoron ida ho naran kumpletu Key Xavier to’o iha sira nia fatin hodi hadia sira nia kapela aumesmu tempu oferese mos Televizaun kompleta ho parabola nune’e sira bele akompanha netik situasaun iha rai laran.

“Ami agradese tebes ba maun Key Xavier nudar nain ba kompanha BEDFORD ne’ebe mai hadia ami nia kapela inklui apoio netik Televizaun ho parabola oan ne’e hodi ami bele hare netik, ita nia nai Presidente Republika ho Primeiro Ministro sira nia oin.

Telelevizaun rai duni iha nia uma no kalan maka foin loke dala ida hodi labarik ho komunidade sira bele hakbesik a’an ba nonton.

Nia hatutan, sira nonton uja deit gerador nebe emprezario Key Xavier fasilita hodi rehabilita kapela. Tamba ne’e kuando kapela remata, posibilidade sira mos labele nonton ona tamba ahi laiha.

Nia espera, sei iha mos timoroan hanesan Key Xavier nebe konsege to’o iha sira nia fatin hodi lori tulun.

Enkuanto maioria husi komunidade sira ne’e rasik depende moris liu deit husi vida agrikultor. (Rio)