Japaun Pronto Apoia Seitor Saude Iha Timor-Leste

Smnewstl.com (Nova Iorke) -Governu Japonez prontu atu apoia seitor saúde iha Timor-Leste, hodi hadi’a sistema atendimentu saúde ba sidadaun sira iha nasionál to’o munisípiu.

Disponibilidade husi governu Japonéz ne’e anuncia durante enkontru entre Ministra Saúde Élia dos Reis Amaral ho Ministra dos Negosiu Estranjeirus Japaun Yoko Kamikawa, iha Nova-Lorke, Estadus Unidus Amérika.

Tipu apoiu ne’e mak Tokyo atu fo ba Timor-Leste mak konstrusaun ba facilidade saúde, apoia programa saúde inan no oan, fornese ekipamentus medikus sira.

Antes ne’e, Japaun oferece ona ambulância hamtutuk 42 ba Ministeriu Saúde, hodi assegura transferência pasiente, husi baze to’o munisipiu no Hospital Nasional Guido Valadares no mos apoia medikamentus ba vasina durante situasaun pandemika.

Governu Japonez mak durante ne’e finansia konstrusaun facilidade saúde balun, programa saúde ba inan no oan, apoia melloria prestasaun servisu saúde primária iha Dili no Munisipiu, inklui servisu essencial seluk. (Smnews)