Iha Rai Moris Fatin Manatuto, Susar-Kiak Lori Reprezentante kordenador Partido 3 Hasoru Xanan

Smnewstl.com 23-08-2021 (Manatuto)– Sabado, (21-08-2021) Fim de Semana, Partido Congreso Nacional Reconstrucao Timor (CNRT) liderado Xanana Gusmao halao Konferensia Nacional Nivel Posto Administrativo iha Manatuto Vila, Municipio Manatuto.

Iha biban ne’e, Presidente Klibur Tane A’as Obra Maun Bo’ot Xanana Gusmao liderado Amaro da Costa Susar ho nia Vice Frederico de Jesus Kiak lori reprezentante kordenador Partido Politiko tolu FRETILIN, PLP ho Khunto husi Municipio Baucau, Vikeke no Lautem ne’ebe voluntariamente deklara a’an fo apoio ba Kay Rala Xanana Gusmao iha Elisaun Presidensial 2022 no Parlamentar 2023.

Ba Xanana Gusmao kordenador Partido tolu nee dehan, tinan kotuk lao iha fileira ida-idak nian rasik, maibe ba tinan 2022 No 2023 hakarak deside fo apoio tomak ba Eis Komando da Luta tamba lakoi atu nasaun kontinua moris iha inserteza nia laran.

“Ami tuir Klibur, ohin mai iha ne’e hodi reafirma pozisaun atu apoio tomak ba maun Xanana iha elisaun 2022 no 2023 hodi hadia rai ne’e. Ami mai ho konsiensia rasik no hanoin katak, tempu ona atu fo fiar ba Maun Bo’ot Xanana,”deklara Patricio Guterres Sarmento ho Agustino Soares reprezentante Partido tolu iha Manatuto Vila

Rona tia deklarsaun husi Reprezentante Kordenador Partido tolu, Xanana Gusmao afirma, kuando baze apoio rahun no bainhira re-organiza fila fali lilin rezistensia hanesan komisario politika, nia parte hahu uluk husi Municipio Vikeke molok kontinua hatutan ba Baucau no Lospalos.

“Iha luta ba libertasaun povu no tamba demokrasia, imi hakarak lao ketak, laiha buat Ida, maibe se’e imi hakarak fila fali mai hamutuk hodi lori Ita nia rai ne’e lao ba oin, mai ba,”hato’o Xanana.