Hetan Mate Isin Ida Iha Estrada Ninin Tibar, Diskumfia Kareta Truk Mak Soke

Smnewstl.com (Dili)-Komunidade iha Suco Tibar, Posto Administrativo Bazartete, Municipio Liquica Sexta feira dader ne’e maizumenus tuku walu liu minutu liman dadersan hakfodak hare mate isin ida ne’ebe ho kondisaun toba taka rabat hela iha Estrada ninin diresaun Tibar-Ermera.

Mate isin refere identifikado ho naran kumpletu Afonso Riberio, komunidade ida husi Suco Tibar.

Tuir informasaun ne’ebe SMNews asesu husi sasin balun iha tereinu komfirma katak, diskumfia kareta truk ida maka soke mate hafoin motorista ba truk refere voluntariamente intrega a’an iha Policia.

“Mate isin identifikado mane ida. Tuir informasaun kareta truk ida maka soke mate no agra nia ba intrega a’an ona iha Policia,”haktuir fontes ne’ebe SMNews komfirma liu husi telefone.

Nia hatutan, hafoin hetan mate isin, sira nia parte informa kedas ba Policia maibe liu oras balun maka Policia foin to’o hodi asegura no identifika nia identidade.

Ba kazu ne’e rasik parte Policia seidauk aprezenta pozisaun. (Rio)