Hetan Apoio Aihan, Komunidade Rembor ho Aikurus Agradese Xanana Gusmao

SMnewstl Media online-Abitantante iha Suco Rembor, Municipio Manatuto nomos Suco Aikurus, Posto Administrativo Remexio, Municipio Aileu expresa sentimentu kontenti ba Eis Presidente Republika no Primeiro Ministro, Kay Rala Xanana Gusmao, nebe sempre mosu bainhira sira infrenta situasaun defisil.

Expresaun emosional nee hato’o bainhira abitante Suco rua husi Manatuto no Aileu simu aihan husi Kay Rala Xanana Gusmao nebe intrega liu husi Tomas do Rosario Cabral.

Tuir komunidade sira, durante implementasaun Estado Emegensia no Serka Sanitaria prezudika tebes sira iha baze atu asesu produto ba iha Mercado.

Manuel Soares, reprezentante komunidade ida husi Aikurus nebe simu direitamente aihan rekuinese, aliende susar asesu ba mercado liliu lori mai Dili dala ruma mos produtu nebe sira faan ladun folin ho diak.

“Agora nee araska duni, dala ruma ami nia modo mos ladun folin. Ida nee parese tamba osan maka laiha duni nunee ema la hola ho diak,”Manuel informa.

Nia konsidera aihan oitua nebe mak Avo Nana fo, apoio tebes sira. “Ami agradese tebes tamba Avo Nana sempre hamrik iha momentu nebe ami presiza, obrigado Avo Nana,”nia haktuir

Responsavel ekipa, Tomas dos Rosario Cabral haktuir, maske la konsege marka prezensa, maibe Kay Rala Xanana Gusmao hato’o nia hakoak boot no husu atu la hare ba kuantidade aihan, maibe hare liu ba humano katak, han dadaun para bele augbenta.

Aihan nebe fo apoio mak hanesan fos, mina no Foremungu. (Rio)