Hasoru Xanana Gusmao, Brazil Reafirma Komitmentu Apoio Timor Leste

Smnewstl.com 16-10-2021 (Dili)– Presidente Partido Congreso Nacional Reconstrucao Timor (CNRT), Kay Rala Xanana Gusmao simu Sabado ne’e, vizita husi Embaixador Brazil, Mauricio Medeiros de Assis iha Sede, Bairos dos Gerilhos Dili.

Tuir informasaun ne’ebe SMnews asesu komfirma, enkontru refere koalia kona ba apoio governo Brazil ba Timor Leste durante ne’e hanesan iha area Edukasaun, Politika entre CPLP, Agrikultura no area prioridade seluk tan.

Embaixador Brazil, Mauricio Medeiros de Assis iha nia intervensaun agradese dispunibilidade Kay Rala Xanana Gusmao hodi atende pedido nune’e bele realiza enkontru kortezia.

Ba Embaixador Brazil, aliende nudar Presidente Partido ho kapasidade hanesan mos lider nacional, Xanana Gusmao agradese ba governo Brazil, ne’ebe apoio ona Timor Leste desde kedas inisiu to’o agora.

“Agrades ba governo Brasil tamba sira hahu apoio Timor Leste iha kedas início hanesa formacao , educação, agrikultura nomos area prioridade seluk,”tenik Xanana

Eis lider rezistensia dejafia estado ne’e bele organiza fila fali koperasaun nebe iha ona atu lao diak liu tan inklui ho rai sira seluk ne’ebe tulun Timor Leste to’o agora inklui iha situasaun pandemia Kovid-19.

“Ita nia coperasaun lao kleur, ne’e duni hau hato hau nia agredesemento boot ba Estado Brasil nia apoio,”dehan Xanana

Aliende ne’e, parte rua koalia mos implementasaun lia português iha Timor Leste, ne’ebe presiza iha koperasaun forte nune’e bele iha avansa signitifikativo nomos atinze rezultado ne’ebe presiza. (Rio)