Hahu Oras 00;00 Orsida Kalan, PNTL DILI Implementa Komfionamentu Obrigatorio

Smnewstl.com 26-08-2021 (Dili) — Polísia Nasionál Timor-Leste PNTL (PNTL) liu husi Komandu Munisípiu Dili (KMD) orienta komandu eskuádra no mós xefe seksaun sira atu implementa rezolusaun governu kona-ba konfinamentu domisiliáriu jerál iha kapitál Dili.

Komandante Polísia Munisípiu Dili, Superintendente Xefe Henrique da Costa, konvoka enkontru ho komandante polísia eskuádra no mós seksaun sira, hodi halo avaliasaun servisu inklui fó orientasaun bá sira atu hahú halo servisu.

rezolusaun governu kona-ba konfinamentu obrigatóriu iha kapitál Dili, hahú aban loron 27 fulan Agostu iha tuku 00;00 to’o tuku 23;59 dia 2 fulan Setembru 2021, tanba ne’e presiza esplika bá populasaun sira hodi komprende dekretu governu refere.

“Ninia importánsia ida husi enkontru ne’e mak hodi orienta ita-nia komandante eskuádra ho mós xefe seksaun sira, atu nune’e implementa konfinamentu domisiliáriu ne’ebé mak sei aplika iha munisípiu Dili hahú aban dader dia 27 de Agostu 2021 to’o iha dia 2 Setembru 2021,” dehan Superintendente Xefe Henrique da Costa, hafoin remata enkontru iha KMD, kinta ohin.

Kampaña sensibilizasaun kona-ba konfinamentu obrigatóriu ne’e hahú ona horseik (kuarta) ho kinta ohin, liu-liu fatin ne’ebé ema barak, nune’e sira bele komprende, inklui husu loja sira atu kumpre regra ne’ebé iha.

“Aban dader ita sei hahú ita-nia operasaun, atu nune’e haree bá iha fatin loja ga, ne’ebé mak la regras ne’ebé mak fó sai ona, atu nune’e ita bele foti medida ruma bá iha sira,” tenik nia.

Maneira avizu ne’ebé PNTL sei halo mak liu husi kareta, no mós forsa rezerva, tránzitu inklui eskuádra polísia sira atu tama sai bairu sira la’o ain hodi aviza bá populasaun sira.

Maibé, orienta mós OPS sira atu servisu ho másimu ho ita-nia líder komunitáriu xefe suku, xefe aldeia par ajuda sira esplika bá komunidade no mós bá sidadaun sira iha ida-idak nia área.(ant)