Governu Muda Instalasaun Kampus IDN ba Aileu

Smnewstl.com (Aileu)- Iha IV Governu Konstitusional, deside ona hari instalsaun futuru Edifisio no Kampus Instituto Defeza Nasional Timor -Leste (IDN-TL) iha area kaitehu, Munisipiu Liquiça. Maibe hafoin hatam dezenhu ikus ,husi governu nia avalia orsamentu ne’ebe preve iha dezenhu anterior ho montante 120 Milhoens, governante sira konsidera ne’e orsamentu bo’ot, nune’e hodi desidi muda ba hari’i iha area Hundolte , Aldeia Bandeira Hun, Suku Liu Rai.

Ba jornalista sira hafoin lansamentu fatuk ain dahuluk futuru Edifisio no kampus IDN, Director IDN Professor Doutor Donaciano Costa Gomes “Pedro Klamar Fuik” hateten ho razoens hirak mensiona , obriga planu Governu antes iha kaitehu tenke husik, no ohin governu oriente muda tiha mai hari iha Munisipiu Aileu.

“Orsamentru ba kontrusaun futuru instalasaun edifisio no kampus IDN iha Munisipiu Aileu, bele dehan metade husi orsamentu ne’ebe dezenhu ba kontrusaun iha kaitehu, atu klaru liu tan, ita bo’ot bele konfirma direita ho governante tutela,” informa eis komandante Komponente Naval ne’e.

Pedro Klamar Fuik hatutan , ba IDN eskolha loron 15 Agusto 2021, konsidera nu’udar loron historiku ba povu Timor Leste, especial ba povu Aileu oan sira hodi hanoin hikas loron 15 Agusto 1975, iha tinan 46 ba kotuk Comite Central FRETILIN (CCF) hamutuk ho eis sekretario Regional nu’udar Aileu mos Veteranus Domingos do Santos deklara, Insurriesaun Armada no Hari FALINTIL iha Aisirimou, Munisipiu Aileu hodi dezarma Forsa Portugesa sira, inklui mos kontra Golpe ne’ebe lansa ona husi Partidu UDT sira, ne’e istoria ne’ebe presiza ita jerasun foun sira aprende.

Tanba ne’e, dala ruma orsamentru konstrusaun ba edifisio no kampus IDN , sei la hanesan ho , dezenhu ne’ebe antes define ba iha area kaitehu Liquiça, dala ruma kontrusaun iha Munisipiu Aileu sei bele metade liu.

“Nune’e wainhira ita forma institusaun ida atu defende ita nia rain, labele depende ba orsamentu husi parseiru sira, diak liu tenke hasai husi orsamentu Estadu, hodi hatudu estadu nia responsabilidade ba obra ne’e. to’o finaliza,” afirma tan.

Enkuntu chefe suku Liu Rai, Elio Diaz Gomes lori komunidade nia naran deklara públikamente hodi entrega rai ho luan hektaris 47 ba Instituto Defeza Nasional Timor -Leste (IDN-TL) ne’ebe hetan sasin husi lider komunitario suku terenu Fronteira no autoridade lokal sira

“Nune’e lider komunitario ne’e , iha esperansa ho konstrusaun futuru Edifisio no kampus IDN ne’ebe sei hari ho area juridimente Suku liu rai nian, bele lori dezenvolvimentu hakbesik ba nia povu no kria kampu servisu nia komunidade rasik asesu,” afirma nia ho orgulhu. (**)