Frenti-Mudança Deside Vota CRNT

Smnewstl.com-DILI, 02 Abril 2023– Partidu FRENTI-Mudança deklara no apela ba kuadrus politikus no militante sira atu fó apoia no vota ba Partidu CNRT hodi manan iha eleisaun Parlamentar loron 21 Maiu 2023.

Desizaun hasai hosi kuadrus politiku Partidu FRENTI-Mudança lideradu Presidente, Ricardo Cardoso Nheu no Sekretariu Jerál Daniel Pereira.

“FRENTI-Mudança la’òs foun ba maun boot no CNRT, maibé FRETI-Mudança iha desizaun balun la admite ami ba eleisaun, maibé hakarak informa ba kuandrus CNRT katak, deside no halo afiarmasaun ami nia votus ne’e tenki kuda iha rai bokur atu hetan isin di’ak,  deisizaun ne’e aviza ona ba militante no kuadru sira atu vota ba CNRT hamutuk ho maun Xanana atu hadia rai no povu ida ne’e,”informa Kuadrus Politiku Paridu FRENTI-Mudança, Anselmo Vitor Ximenes  liu hosi konsolidasaun partidu CNRT iha Bidaun Santa-Ana, domingu (03/04/23).

Tuir planu, segunda feira 03 Abril, ekipa sei entrega ofisiálmente karta politika ba lideransa Partidu CNRT iha sede Bairrus- Grillos- Dili.

“Karta ofisiál sei too iha sede CNRT no ekipa ida sei mosu iha ne’ebá, ami nia votus sei fob a CNRT iha tinan ida ne’e. Ha’u nia Prezidente no Sekretariu Jerál nia mensajen mai atu ita hamutuk hadia sistema justisa iha rai ne’e, ami nia lista maka ema baku mate, maibe sira la iha rezaun, tanba saida maka sira baku mate ami nia lista ne’e,” dehan Daniel.

Nia dehan, mezmu Tribunál Rekursu hasai partidu FRENTI-Mudança hodi la hola parte iha festa demokrasia tinan ne’e ho razaun ne’ebé la klaru, maibé lideransa no militante partidu kontinua tau fiar ba Partidu CNRT Lideradu Xanana Gusmão atu hadia nasaun no povu Timor-Leste nia futuru ekonomia di’ak liutan.(Smnews)