Forca Konjunta Kaptura Ona AS Oho Nia Kaben Rosantina Iha Comoro

smnewstl.com Media Online-Suspeitu AS, ne’ebe oho nia kaben Rosantina dos Santos, Membru Polisia Nasional Timor-Leste (PNTL) ho diviza primeira sarjentu iha Aldeia Anin Fuik, Suco Madohi kapturado ona kalan ne’e, besik kedas nia rezinsia.

Tuir informasaun ne’ebe SMNews asesu komfirma katak, AS subar hela iha uma balun ne’ebe besik iha fatin akontesimentu.

Parte Servisu Informasaun Policia nebe hetan informasaun kordena kedas ho Policia Esquadra Comoro, J2 hamutuk Servisu Investigasaun Nacional to’o kedas hodi asegura.

Dadaun ne’e, AS lori ona ba iha Esquadra Comoro hodi subemete ba investigasaun molok lori hikas ba iha Komando Municipio hodi kumpri sela detensaun oras hitu nulu resin rua hafoin lori ba julgamentu Tribunal.

Rosantina diskunfia oho hosi AS mais ou menus tuku 12:00 kalan, iha aldeia Anin fuik, suku Madohi, postu administrativu Dom Aleixo, munisipiu Dili.

Tuir kronologia iha Tersa kalan maizamenus tuku 11 ho balun suspeitu nebe nudar kaben ba bolu matebian iha vizinu nia uma hodi dehan buka tuir sira nian oan mane nebe seida’uk tama uma.

Hafoin to’o iha uma mosu diskusaun oituan entre suspeitu ho matebian nune’e ho emosaun diskumfia akontese situasaun nebe la espera ne’e.

Tuir infornasaun, suspeitu lori katana taa uluk matebean iha parte kotuk laran hafoin lori tan tudik sona iha parte kalilin hodi halo monu ba rai no rezulta ran sai barak.

Familia transporta kedan vitima ba iha ospital, maibe la konsege salva tanba sofre kanek makas iha parte kalilin.

Hafoin sona tiha vitima, suspeitu halai hosi nian rezidensia nune’e foin kaptura hikas kalan ne’e. Enkuanto mate isin rasik remata ona autopsia no lori ona ba halot iha moris fatin, Venilale, Municipio Baucau.(Rio)