Foinsae 1000-resin Iha Manleuana Reafirma Pozisaun Apoiu Xanana Gusmão

Smnewstl-Partido Congreso Nacional de Reconstrucao Timor-CNRT liderado Kay Rala Xanana Gusmao kontinua konsolida a’an maka’as nene’e bele prepara ba hasoru festa demokrasia (eleisaun Presidensial 2022) no (eleisaun Parlamentar 2023).

Aividade konsolidasaun ne’ebe organiza husi Organizasaun Juventude Partido CNRT (OJP) ba nurep no selkom sanulu iha Suco Manleuna, Posto Administrativo Dom Aleixo, Municipio Dili, Domingo ne’e hetan reasaun pozitivu tamba simu afiliasaun foinsae kuaze rihun ida resin husi partido politiku balun.

Afiliante maioria foinsae kuaze rihun ida resin reafirma protidaun hodi apoiu CNRT tamba konsiderado iha lider Karismatiku ida ke iha vizaun bo’ot ba povu no rai ida ne’e hanesan ne’ebe lori Timor konkista nia independensia.

Prezidente Konsellu Diretivu Nasionál (CDN), Partidu CNRT, Dionísio Babo Soares konsidera atividade konsolidasaun partidu importante tanba tuir kalendáriu hodi prepara bá eleisaun prezidensiál no parlamentár.

“Konsolidasaun ne’e prepara tiha ona desde tinan kotuk, maibé foin primeira ves halao fila fali depois de serka sanitária ho konfinamentu obrigatóriu remata tanba tuir kalendáriu tenki prepara bá eleisoens ne’ebé mai,”haktuir Dionisio.

Nia hatutan, atividade reajustamentu partidu nian ne’e espesífiku bá juventude sira, tanba fahe informasaun bá joven sira kona-ba programa partidu nian iha área juventude nian.

“Atividade ohin ne’e, espesífiku bá juventude sira, juventude sira mak halo reorganizasaun hodi establese sira-nia estrutura, aumesmu tempu fó informasaun kona-ba programa partidu nian karik manan iha eleisaun saida mak sei halao liga ba juventude,” tenik nia.

Eis Sekretáriu Jerál partidu CNRT ne’e observa katak, iha tinan 4 ikus ne’e, governu laiha programa ne’ebé di’ak bá juventude sira, tanba laiha oportunidade bá joven sira atu dezenvolve aan.

Dionisio konsidera, atu hetan vitoria laos fasil, tamba presiza servisu maka’as. Nia fiar katak, liu husi esforsu organizasaun masa sira hotu iha partido laran nomos povu sira hotu sei lori hikas fali Maun Boot Xanana ba kaer ukun hodi hadia povu no rai ne’e.

Konsolidasaun ne’e rasik lao diak tamba hetan mos apoio seguransa husi parte PNTL.

Aiende Manleuana, iha oras dadersan mos Partido CNRT halao konslidasaun iha Suco Mascarenhas ba nurep no selkom lima mak hanesan Caicoli, Vilaverde no Colmera (ant)