Ezekusaun OJE 2021, MTK Atinji 47,05%

Smnewstl.com 16-09-2021 (Dili) – Progressu ezekusaun Orsamentu Jerál Estadu (OJE) bá tinan fiskál 2021 iha Ministériu Transporte Komunikasaun (MTK) atinji ona 47,05%.

Ministru MTK, José Agostinho da Silva, aprezenta kinta-feira ohin, relatóriu no porgressu ezekusaun OJE 2021 bá Primeiru-Ministru (PM), Taur Matan Ruak, tanba tama iha segundu trimester, ezekusaun OJE nian atinji 47,05%.

“Ninia progressu ezekusaun ate a data tuir free balance ne’ebé iha taxa ezekusaun atuál atinji ona 47,05%, obrigasaun iha 17%, kompromísiu iha 21,9%, balansu iha 14%, totál kompremetidu ne’ebé iha ita esforsu makas par to’o fim do ano ita-nia taxa husi MTK bele di’ak iha mós rezultadu ne’ebé di’ak no aumezmu tempu rekolla reseitas bá kofre estadu,” dehan Ministru José Agostinho, kinta ohin, rezidénsia PM Farol.

Progressu fíziku husi OJE 2021 iha MTK mak hanesan, saláriu vensimentu, kapitál menór, no kapitál dezenvolvimentu ne’ebé ligadu bá iha infraestrutura, tanba ne’e, ezekusaun kapitál menór oras ne’e la’omak kontribui bá atinji ona 47%.

“Mais ida-ne’ebé mak ninia ezekusaun ne’e tenki liu husi maneira aprovizionamentu, lei jurídiku aprovizionamentu, tantu ne’e ita loke konkursu depois kompañia hira mak iha interese mai depois prosesu tuir lei lei rejime jurídiku aprovizionamentu,” subliña nia.

Nia hatutan, iha prosesu aprovizionamentu, mosu reklamasaun husi reklamantes sira ne’ebé aplika bá iha vaga konkursu públiku MTK nian, maibé ministériu resolve ona tuir dalan lei jurídiku aprovizionamentu nian.(ant)