EUA Reafirma Ninia Apoio Maka’as ba Situasaun Iha Ukránia

Smnewstl.com 20-01-2022 (Dili) – Estadus Unidus reafirma ninia apoiu makaas ba Ukránia nia soberania no integridade territoriál iha ninia fronteira internasionál ne’ebé rekoñesidu, hodi haluan ninia territoriu tasi. Tuir komunikadu imprensa ne’ebe Smnews asesu husi EUA iha Timor Leste komfirma, relasaun entre EUA no Ukraine sai hanesan baze ba seguransa, demokrasia no direitus umanus iha Ukránia no rejiaun ne’ ebé luan liu.

Ministru Negosiu Estranjeiru EUA, Anthony Blinken no Prezidente Ukraina Volodymyr Zelenskyy

“Estadus Unidus Amérika hamriik hamutuk ho ami-nia aliadu sira Europeu nian ne ‘ebé apoia Ukránia,” hatete Enkaregadu Negósiu Embaixada Estadus Unidus nian Tom Daley. “Orden bazeia ba lei internasional depende ba ita nia abilidade koletivu atu halibur hamutuk hodi tane aas padraun fundamental soberania no integridade teritorial. Prinsípiu hirak ne’ e, hamutuk ho rezolusaun pasífika ba disputa sira, fó benefísiu ba nasaun boot no ki ‘ik sira hotu. Estadus Unidus sei kontinua servisu maka’ as ho ami-nia aliadu sira no parseiru sira hodi avansa vizaun ne ‘ebé fahe ba malu.

”Estadus Unidus no Ukránia fahe dezeju komun ida ba futuru ida ne ‘ebé nabilan no prósperu ba Ukránia tomak. Estadus Unidus kontinua iha kompromisu maka’ as atu apoia Ukránia nia soberania no integridade territoriál no ajuda Ukránia avansa nia aspirasaun sira Euro-Atlantic nian.

Durante dékada tolu liubá, Rusia invade ona nasaun viziñu tolu – Ukránia, Georgia no Moldova – interfere iha eleisaun, uza arma kímika hodi koko nasaun rua iha rai li ‘ur no rai laran (Skripal, Navalny), no viola akordu internasionál sira kona-ba kontrola kilat. Estadus Unidus ho nia aliadus sira sei diskuti problema hirak nee no asuntu sira seluk ho Russia iha loron no semana hirak tuir mai.

Russia nia propaganda sira inklui liu husi media sosial sira, uza media online ne’ebé apoia Russia, hatama desinformasaun ba estasaun televizaun no radio sira, organiza konferénsia sira ne ‘ebé dezeña atu influensia partisipante sira ba falsifika katak Ukránia – la’ os Rusia – iha sala atu hasae tensaun iha rejiaun, no intensifika operasaun sibernétika nian atu estraga media sira no organiza operasaun “hack and release” atu fo sai ema ninia dadus privadu sira.

Estadus Unidus halo hela konsulta intensivu ho omólogu sira husi Europa kona-ba meius oioin no kona-ba pakote espesífiku sira husi konsekuénsia grave sira hasoru Rusia relasiona ho tensaun militár iha Ukránia. Hamutuk ho aliadu sira, Estadus Unidus sei responde ho medida ekonómika forte neebé sei hamosu kustu signifikante ba ekonomia Russia nian no nia sistema finanseiru. Ne’e inklui asaun forte sira ne’ ebé Estadus Unidus la foti hasoru Russia iha tinan 2014 no prepara atu implementa agora.(*/rio)