Ekipa Avansadu F-FDTL Hetan Asidente Iha Ainaru, Na’in Ida Lakon Vida

Smnewstl.com 24-08-2021 (Ainaru) — Ekipa avansadu bá FALINTIL tour bá FALINTIL Forsa Defeza Timor-Leste (F-FDTL), Tersa ohin hetan asidente iha Nunumoge munisípiu Ainaru, asidente ne’e, militár feto ida lakon vida.

Tuir informasaun ne’ebé Smnewstl asesu asesu husi fontes balun ne’ebé besik iha instituisaun F-FDTL katak, ekipa avansadu FALINTIL tour bá halo preparasaun bá komemorasaun loron FALINTIL bá dala-46, hodi simu VIP sira.

“Sim kolega sira ne’ebé sai hanesan ekipa avansadu ba FALINTIL Tour mak hetan asidente ekipa ne’e ema na’in 6 husi komponente Naval, sira ekipa avansadu ba Ainaro hodi simu ita nia VIP sira,” dehan fontes ne’e bá Smnewstl.

Membru F-FDTL hamutuk na’in 6, kompostu husi mane 5 no feto ida, no feto refere mak lakon vida.

“Mane na’in 5 feto ida informasaun ikus militár feminina la bele salva mate, sira bá kordena ho autoridade hodi halo preparasaun hodi simu VIP sira, asidente ne’e ha Nunumoge Ainaru,” tenik nia.

Ekipa Avansado F-FDTL Hetan Asidente Iha Ainaro, Nain Ida Lakon Vida.

Kareta F-FDTL baku fila tun rai naruk iha parte Nunu-Mogue Aimegudu, mais ou menus tuku 16:30 lokraik, iha akontesementu ne’e rezulta membru F-FDTL na’in 6 kanek todan.

Hafoin akontese, komunidade sira apoiu hodi ajuda evakua vítima sira sa’e mai estrada bo’ot no balu halo kedan kontaktu ba Abulancia no komandu Policia PNTL.(ant)