Eis Mercado Comoro Nakfilak Sai Akudesan, Uma Komunidade 100 Resin Ahi Lambiska Mos

Smnewstl.com Media online -Kinta feira madrugada ne’e kapital Dili liliu eis Mercado Comoro, Aldeia 03, Suco Fatuhada, Posto Adninistrativo Dom Aleixo, Municipio Dili nakfilak ba lakan naroman no domina husi suar metan, rezulta sasan inklui uma besik 100 maka la aproveita total, maske seidauk identifika lakon vida.

Vitima ho sasin sira haktuir, derepenti deit ahi lakan no sira ida-idak halai buka atu salva a’an inklui sasan nune’e ho grasa maromak maske konsege duni, maibe uma mak la aproveita total.

“Uma lubuk ida mak ahi han, derepenti deit ahi lakan ami ida-idak buka salva a’an no sasan sira mak la aproveita total,”haktuir Jose

Nia hatutan, akontesimentu nee maizumenus tuku lima madrugada. Hakfofak ahi lakan tia ona, ita hatene husi nebe, hatene maka oinsa buka fatin seguru salva a’an,”haktuir ho matawen

Maske ekipa Bombeiros to’o iha tereinu hodi rega, maibe volume ahi ne’ebe bo’ot tebes nune’e rezulta uma sira mos labele salva.

Observasaun SMNews iha tereinu nota katak, maioria uma komunidade la konsege salva total.

Enkuanto komunidade sira rasik so bele halerik deit iha laran oinsa bele rekopera situasaun nebe infrenta nune’e bele halakon trauma psikologia nebe infrenta.

Oras ne’e dadaun maioria komunidade hamrik deit iha liur no balun observa oinsa bele asegura netik dokumentus importante maske kondisaun uma hatetuk tia ona ho akudesan.

To’o informasaun ne’e fo sai seidauk hatene klaru total uma inklui parte kompotente inklui governo mos seidauk aprezenta pozisaun ruma. (Ant)