Dezastre Iha Hera, Karau Mate Fatin, Nazario Grave Iha HNGV

Smnewstl.com 17-10-2021 (Dili) – Kalan ne’e, iha oras ida liu ba, akontese dezastee ida iha Posto Administrativo Metinaro ne’ebe rezulta ema nain ida ho identidade kumpletu Nazario da Silva sofre kanek todan.

Nazario dadaun ne’e iha hela Centro Saude Metinaro no sei transporta hikas ba Hospital Nacional Guido Valadares Dili tamba kanek ne’ebe sofre grave tebes.

Tuir kronologia husi sasin ne’ebe lakoi fo sai identidade kumpletu no husu atu bolu deit JA haktuir, vitima Nazario ho motorizada husi diresaun Baucau. To’o iha Metinaro maka rezulta asidente nune’e karau maka mate fatin, enkuanto Nazario sofre kanek todan inklui motorizada ho telefone mos rahun hotu.

“Vitima husi diresaun Vemasi-Baucau, to’o iha ne’e maka karau tama nunee lakon kontrolu hodi soke no karau mate kedas fatin. Vitima sofre kanek todan no koalia ladiak, agora lori ona ba Centro Saude Metinaro, parese sei lori tutan fali ba Hospital Nacional Guido Valadares Dili,”nia informa

JA hatutan, liu husi informasaun ne’ebe fo sai espera familia sira bele hatene nunee ba direita Hospital hodi bele hare rasik nia kondisaun tamba kauza husi dezastre ne’e vitima nia telefone mos rahun no labele halo komunikasaun ho familia. (Rio)